BREAKING NEWS. MOTOR ACCIDENT IN CHUNGKHAR AN THI DIH

Breaking News. Motor Accident in chungkhar an nunnak a liam dih. Tuni June ni 9 suimilam pakua renglo deuh ah Kachin ram, Phakanh peng, Aye Myah Thaya sang pawngah a ummi Ngadil ah hngakchia pakhat tel in chungkhar pathum hna cu Pajero motor in accident in an nunnak a liam.

Hi konghe pehtlaiin khuami pakhat nih a chimmi cu tuzing suimilam pakua hrawng ah hithil a cangmi a si. Motor hi Ngadil ah a tla i, a cuangmi vialte an nunnak a liam dih tiah a chim. Hi kong thiamthiam he khuami pakhat nih a chimve mi cu motor ah a cuangmi hi an thi dih ko, Atu tiangah motor zong hmuh a si rih lo tiah a chim ve.

Thawngpang dang. Ralhrang palik Zeyar Min nih nungak tamtuk a ihpi hna. Shan ram thlanglei Namhsan khua ah a ummi palik bawi Zeyar Min pumpak number 250237 nih zan fatin khuami nungak hna cu a ihpi lengmang hna. Nungak pawl hna cu zingka tuantein a lawiter peng hna tiah thawngpang an thanh. Tlangcung nungak pawl a ihpi lengmang Zeyar Min ralhrang palik bawi hi kum 27 a si i, nupi zong a ngei cang mi asi.

Palik a ttuannak hi kum hra a si cang. Yangon in Namhsan khua ah an thialnak hi kumkhat renglo a si. Nungak a ihpi mi hna hi tamtuk an si cang tiah an langhter. Nungak pawl hna hi a hlen lengmang hna i a umnak sakhan ah a kalpi peng hna tiah an chim. Hi konghe pehtlaiin an chungkhat pakhat nih a chimmi cu Zeyar Min hi ritnak siitha lo a tawng pengmi a si.

Nupi zong a ngeimi a sinain zan fatin a umnak sakhan chungah nungak a auh lengmang hna.Sakhan a ummi upa hna nih an theih lo maw a si hnga, an theih ko nain zeihmanh ah an rel lo caah dah a si hnga tiah a chim. Zeihmanh dantatnak an pek lo i, atubantuk in a kal peng ahcun khuachung nungak caah attha lo ngai. Cupin ah an sakhan zong a minchia lai tiah media ah a chim.

Palik bawi a si nain a thiltuah mi le a ttuanmi aa keihkawh lo tuk. Ralkap phung he zong ai kalh mi a si. Atuning in a kal ahcun nungak hna caah rawhralnak tampi a chuak lai. Khuachung nungak pawl an nun lam a hrawh hna lai. An hrem hrimhrim ahau. Nungak pawl zong ralring tein um uh tiah an langhter.