BREAKING NEWS. RALHRANG MOTOR RUAL AN I THAWH CANG

Breaking news. Mindat ah a ummi ralhrang kawlralkap hna cu Kyaukhtu ah kir hram an thok cang. Chinram kulh Mindat khuapi ah a ummi ralhrang kawlralkap 274 battalion chung in ralhrang kawlralkap hna cu motor 60 renglo le raltuknak tank pahnih he tuzing ah Mindat an chuahtak cang tiah theih asi.

Ralhrang kawlralkap aa thawhmi hna cu tuzing suimilam 10 Pakuku ah an kal lai tiah theih a si. Hi ralhrang kawlrlakapo hna hi February thla khan Pakoku in Matupi lei ah ei le din a rak phurmi an si i, thlakhat hrawng Matupi ah an um. Cun April thla ah Matupi in mindat lei ah an kal i, ni 18 a rauh hnu ah Mindat an phan. Ralhrang motor an chuak cang.

Thawngpang dang. Zumtu hna thlacamnak hi Pathian nih a ngai sawsawh bal lo. Zumtu hna kan thlacamnak hi Pathian nih khuaruahhar in rian a ttuan lengmang ko. Tutan zong ralhrang bawipa cung ah khuaruahhar in Jesuh nih a tthawnnak aa langhmi hmuh khawh a si.Sagaing ramtthen, Minkin peng ah i Zawngle khua ah Gospel Baptist Church biakinn hna cu Ralhrang bokyi nawlpeknak in hrawh an timh.

Biakinn chung ah an lut. Tthutdan le thilri dang an vun hrawh thluahmah. Thilri dandang zong an hrawh len hna.Pulpit cung vailam an thlaihmi cu Bokyi Kyaw Tet Naing timi pa nih hrawh a timh. A hrawh cuahmah lio ahcun Jesuh khrih fiang taktak in a sin ah a vun i langh. Ngui ngui thlaak in a taap i, a thil tuah cu a ngolh. A kuttang ralhrang pawl zong nihcun an thil tuah cu an ngol.

Cuticun Minkin PDF sinah CDM a tuah i a himnak hmun ah an chiah cang. Bokyi Kyaw Tet Naing nih a chimmi cu; vailam ka hrawh lio ah Jesuh timi nih ttek kah bantukin a vun ka kah. Na hrem lengmangmi Jesuh kha ka si. Thir an ka khenhnak ka ke hi zoh. Thir an ka khenhnak ka kut hi zoh a ka ti.Ka von zoh i, thir an rak khenhnak cu kua vuaimai pi cun ka hmuh tak ko.

Cucun ka tha nih a ka thirh dih cang. Ka tlu i ngui ngui thlak cun ka ttap. Jesuh Bawipa hung ka ngai thiam ka ti. Kan ngai thiam tuk ko. Ka lei ah ttang cang a ka ti. Cucaah Minkin PDF hna sin ah zokzok in CDM ka tuahnak a si tiah a chim tiin Zawngle khuami nih a chim.