BREAKING NEWS. RALHRANG NIH PHONE LINE LE INTERNET LINE AN PHIH DIH

Breaking news. Ralhrang le mipi ralkap an i kahtuknak hmun Ralhrang nih phone line le internet vialte an thah dih. Sagaing ramthen Myone pakua renglo cu tuzing suimilam paruk in phone line le internet line vialte an thah dih. Cu lawng siloin Myone tthenkhat ah ralhrang kawlralkap hna cu an ra tiah mipi ralkap lei in thawngtheih asi.

Kanh Bulu le Cuunhlah lei zongah phone line vialte an thah tiah phungning tein Kanh Bulu PDF nih an thanh rih. Kanh Bulu le Cuun Hlah lei hi zingka suimilam pasarih deng in phone line vialte an thah tiah an langhter chih. Culawng siloin MinMu peng zong internet line le phone line an thah dih.

Minmu peng Mumyt nichuah nitlak zongah ralhrang phu hnih hna cu khuachung ah an lut tiah an chim rih. Hi konghe pehtlaiin khuami cheukhat nih an chimmi cu Monywa peng, khua zongah phone line le internet line vialte an hrawh tiah an chim. Internet line hi an hrawh asinain 2G cu a ngah a si nain zeihmanh aa tuah kho lo.

Atu le bang cu 2G zong a ngah ti lo, Phone Line zong a ngah lo tiah PDF nih an chim rih. Atu le bang cu phone line siseh Internet line siseh 2G zong a ngah ti lonak hna cu Khin Oo, Monywa le Ye Oo, Cuun Hlah, Yinmapin le Pule, Kani, Kanh Bulu le Kawlin siseh Minmu peng hna ah an si tiah an langhter.

Thawngpang dang.2022 May 23 Thantlang khuachung kahdohnak thawngpang konghe pehtlaiin Information and Public Relations Department CDF Thantlang lei nih thanhnak a tanglei bantukin an tuah. Nihin May 23, 2022 ralhrang lei nih 6:00am in offensive in cawlcanghnak in raldohnak an thok.

I, zanlei pahnih le cheu tiang hrawng hmunkip ah kahdohnak a um. Inn zong ceilak te an duah, Comfirm thlu kho rih lo. Kanmah lei in minung pali hliamhma an pu, Thinphang tuk ding cu an si hraw lo. Cun Ralhrang lei hi minung paruk renglo an thi i, pariat renglo cu hliamhma pumi an si lai tiah an langhter.

Be the first to comment

Leave a Reply

Your email address will not be published.


*