Mipi ralkap hna nih ralhrang kawlralkap kal kho hna hlah seh tiah Thantlang le Hakha kar ah a ummi Timit hlei an hrawhmi cu ralhrang kawlralkap hna nih remh an timh cang tiah theih a si. Hi konghe pehtlaiin a langhtermi cu Ralhrang nih Hakha le Thantlang kar Timi hlei donh an timh ti a si.
Naite Thantlang mipi aiawh dih lotu, Upa le Pastors hna he tonnak ah aa tel chihmi agenda si an ti. Cucaah Halkha lei in ralhrang nih Timit lei ah Thirpum le Pipe tibantuk an cheek, an kalpi tiah theih a si. Credit: Salai William HC.
Thawngpang dang.Ralhrang nih Tamu ah khuami minung panga an thah hna. Ralhrang kawlralkap nih zarh hnih chungah khuami minung panga an thah hna i, tthenkhat cu an ruak zong an khangh. Ralhrang le mipi ralkap karlak ah nai hrawng cu biatak tein Tamu peng ah i kahdohnak a chuak. June ni 14 ah ralhrang le Pyu Saw Htee nih Pu Kyaw Lwin an thah.
Amah hi hlei pawngah satil zuat in apaw aa cawmmi a si , a ruak zong an khangh tiah naihniam pakhat nih a chim. Cu lawng siloin tangka aa khonmi ting 300 le phone pahnih an lak piak rih. June ni 15 ah a tangka le phone an lakmi a va hal hna i an tlaih hnu Thlanmual ah an thah tiah an chim.June ni 23 ah mino pathum zong Na Mon Tta khua pawngah an ruak in an hmuh rih hna. An thahmi hna hi Haung Lin Mang le Paung Ttin Thang cun Se Khu Thang an si. Anmah hi June ni 24 ah an ruak in an hmuh hna. An thahmi mino pathum hna hi kum 25 in kum 28 karlak minung an si hna. Inn zong an khangh rih.
June ni 30 zan ah Thang Gin Hao kum 30 zong a tlau i a thaizing ah khuachung lampawng ah a ruak an char tthan. A ruak an zohtik ah tukvelh hremnak nehnang a um ti a si. Ralhrang hna nih an thah hnu ah a ruak cu khuachung ah an rak chiah tiah khuami pakhat nih a chim. Ralhrang nih khuami an thahmi hna hi zarhhnih chungah a cang mi a si.
Leave a Reply