May 9, Kalay Peng Kahdohnak Ah A Nunnak Liam Mi Salai Alexander Sang Kung Thang Ruak An Lak Khawh Cang. May 9 lio ah Kalay peng Yeshin le Donwe khua pawng kahdohnak ah a nunnak a rak liam i a ruak an rak lak khawh lomi Salai Alexander Sang Kung Thang (Kum 17) ruak cu ni 12 a rauh hnu, Nihin May 21 chun slm 12:25 ah kan lak khawh cang tiah PDF- Kalay Battalion 7 hruaitu pakhat nih The Chin Post ah a chim.
May 9 zing slm 8:00 in zaanlei slm 4:00 tiang Kalay peng Yeshin khua kam ah PDF- Kalay Battalion 7 le SAC ralkap an rak i kap i SAC ralkap 7 an rak thi i PDF Kalay in Salai Stephen Biak Tha Thawng le Salai Alexander Sang Kung Thang nih ram le miphun caah an nunnak an rak pek, Salai Stephen Biak Tha Thawng ruak cu a ni ah an rak lak khawh i Salai Alexander Sang Kung Thang ruak cu an rak lai kho lo i Ni 12 hnu, Nihin May 21 chun slm 12:25 ah an lak khawh. Credit: The Chin Post.
Adang thawng relchih, Thawngpang ttha. Uico ralhrang chungin minung panga an zaam i, CDM an tuah. Katha peng LIB 416 le LIB 385 in ralrahng minung panga hna cu Katha peng mipi ralkap sin ah ralhrang sinak chuahtak in CDM an tuah tiah thanhnak an tuah. May 16 ah LIB 416 chungin minung pali hna cu Katha Township lei ah an kal.Cun May 19 ah LIB 385 chungin ralhrang pakhat a chuak ve.
Atu lio caan ah ralhrang kawlralkap le palik hna cu an mah ralhrang uico lutlai Min Aung Hlaing kuttang ah rianttuan an huam ti lo caah anmah he aa naihnak hriamtlai phu sin ah CDM an tuah chin lengmang. Ralhrang le Palik CDM atuahmi hi minung 61 an si cang. Pehtlai in an tuah ko lai tiah mipi ralkap lei nih an thanh.
Leave a Reply