BREAKING NEWS. SIANGINN CIM AH MINUNG 5 AN NUNNAK LIAM

Maw La Myine BEHS-No. 5 Kulhnak Vampang A Cim , Minung 5 An Thi. Mon ramkulh, Maw La Myine Khuapi, Basic Education High School. No. 5 kulhnak vampang a cimh caah minung 5 an thi tiah theih asi. Sianginn kulhnak vampang a cimh hi nihin

July 22 zinglei Sml 9 :20 hrawngah a si i a cimmi hi Sianginn hmunhma kulhnak tlakrawh vampang asi i a tang i a ummi dawrthluan a cimh hnawh caah Nu 3 le Pa 2 an thi i pakhat cu a nung in an chanhchuah khawh. A thimi ruak cu Mawlamyine siizung ah an kalpi hna i, A cimhnak hmun pawl cu hihmanh kal lo ding in kham asi.

Thawngpang dang. Ralhrang nih khuami minung pahra an khangh thah hna, Inn zong inn 125 an khangh tiah an langhter. Sagaing ramthen Ye Oo pengah ralhrang kawlralkap hna nih July ni 8 in July ni 14, Ni ruk chungah khuami minung pahra an thah khangh hna i inn zong 125 an khangh tiah khuami le mipi ralkap lei in theih a si.

July ni 8 in July ni 14 tiang Ye Oo peng ah a ummi khua hna cu ralhrang nih aluh hnawh hna i minung pahra an thah khangh hna. Culawng siloin July ni 8 ah khan ralhrang kawlralkap hna cu Sithamay khua cu helicopter in an kah hna tiah an langhter chih. Ralhrang nih phone line zong an thah tiah an chim chih. Mah thawngpang hi tuni lawngah an langhtermi a si.