Breaking News: Kalaymyo ah Chinnu Pakhat a tlau. Chungkhar an lungretheituk. Pu Dal Van Mung fanu Zam Lam Cing kum 12 cu tuni suimilam hleikhat ah inn in a chuak i, zanlei tiang inn a hlam lo caah a chungkhar lungre a thei ngaingai. Amah hi Tedim in Kalaymyo ah a rami a si.
Kalaymyo a phaknak zong a sau rih lo pin ah Kawl holh zong a thiamtuk lomi a si. A hmuhmi le a umnak a theihmi paoh nih a tanglei phone number ah hin pehtlaihnak tuah cio hna usih. Phone number, 09448699624, 09887334812 mah hin pehtlaihnak tuah ding. Mi tampi nih an hmuh khawhnak hnga share cio hna usih.
Thawngpang dang. Pago ramṭhen, Taungngu pengkomh Htantapin peng Zayatkyi palik camp um, palik Htun Htun Win cu nizan May 11 zan ah zurit buin meithal a puah thluamah caah a pawngkam inn ummi ngakchiapa kum 13, Myo Myat Htun cu meithal kuan nih a khen caah a nunnak liam colh, tiah tualchung mi sin in theih a si.
May 11 zaan sml 8:30 hrawng ah mei a mit, Myo Myat Htun cu a zawmi a nu ca ah sanpioh eiter ding in coka a kal i Zuri pa palik Htun Htun Win nih duh paoh in meithal a kah caah Myo Myat Htun cu meithal kuan nih hmunhnih in a khen i a thi colh, tiah theih a si. Myo Myat Htun nih a zawmi a nu cu sanpioh a eiter lioah Htun Htun Win nih a ṭaang ah meithal in a kah hi a si.
An inn hi palik camp hnu ah a um i Palik pa nih a chim ning ahcun minung thlapale ka hmuh i ka kah tiah a ti. Anih hi palik Ar Ka Soe i a naupa a si, Palik camp nih Myo Myat Htun a nule pa cu sing 15 in an va nawl hna, tiah tualchung mi pakhat nih a chim.Myo Myat Htun a ruak cu May 13 ah an vui te lai, Palik pa nih a thahnak kong hi khoika hmanh ah nan chim lai lo, tiah palik pawl nih a nu le pa cu an tlerhkhonh hna tiah theih a si. Credit: The Chin Post.
Leave a Reply