Breking news. Tio tlang i kahnak a fak chinchin cang. Ralhrang kawlralkap vanlong zong voithum a zuang cang. Tuni August ni 10 zingka suimilam pali hrawngin Tio tlang ah a ummi ralhrang kawlralkap hna cu mipi ralkap hna nih an kah hna. An i kahning a fak ngaingai tiah khuami hna nih an chim.
Ralhrang Kawlralkap hna nih Rih in hriamnam ngan zong an kahtuk. Rih in an rak kahmi hi anmah ralhrang kawlralkap lei an thih zong ah a poilo an ti rua an i kahnak lei ah an thluahmah ko tiah a chim chih. Cun hriamnam ngan an kahmi zong Tio khuachung ah a tla i, khuami zong hliam atuarmi an um ti a si.
Tuzing an i kahnak ah hin mipi ralkap lei hi phuthum an si tiah theih a si. An i kahcuahmah lio ah ralhrang kawlralkap raltuknak vanlong Jet zong voithum a rak zuang ti a si. Tuzing an i kah nak ah kaphnih lei in a thimi le a nunnak a liammi theih asi rih lo tiah a langhter chih rih. hika ah video
Hakha lei zong an i kap rih. Kan ralkap hna caah thlacamnak in bawmcio hna usih. Hmunhnih ah an i kah cuahmah lio a si. Tuzing August ni 10 ah Chinram khualipi Hakha khua ah kan ralkap hna le ralhrang kawlralkap pawl hmun hnih ah an i kah cuahmah lio a si. An i kahnak hmun hi Thlacamnak tlang pawng le Vuanci pawl an umnak gate hmun hnih ah an i kap tiah theih a si.
Relchap. Pakokku thong ah Mindat in tlaihmi minung 70 leng an um. Magway ramṭhen, Pakokku thong ah Mindat peng in khuami 70 leng hren an si i cu chungah nun chung thongthlak dingin biakhiah a simi zong an um tiah theih a si.Mindat peng cu Martial Law chuahnak peng a si i Pakokku thong ah hren a simi hna cu Mindat peng biaceih zung in biakhiahnak tuah hnuah a rak phanmi an si tiah theih a si.
“Atulio ah Mindat khuami 70 leng Pakokku thong ah an phan. A luancia zarh chungah minung 10 an rak phan. A tam deuh cu Mindat biaceih zung in biakhiahnak tuah hnuin a rak phanmi an si. Cu chungah kum saupi tla ding zong an i tel. Nun chung tla ding in biakhiahmi zong an i tel. A tlawmbik sual internak hi rianhrang le thong kum 3 a si” tiah thonginn he aa naihniammi nih Mizzima ah a chim.
Ralkap uknak in biaceihmi sualphawtnak pawl cu State Administration Council cathanh 3/2021 in 2021 March 15 ah a rak thanh i rampi dohtu, cozah a mui chiattertu, ralkap asilole zauk phung a lennak a nuarhtertu, ralkap asilole cozah rianṭuantu pawl hnahnawh peknak, Article 505, cozah rianṭuantu pakhat khat kha sualnak tuah dingin tlerhnak, mi forhfialnak, a dik lomi thawngpang thanhnak Article 505 (A) le tlukruannak a um lomi thiltuahnak timi sualphawtnak pawl an i tel tiah theih a si.
Leave a Reply