BREAKING NEWS (update). Hakha in Kalay lei panh in a kal mi SAC ralkap mawṭaw run pawl cu Tlangzar khua ah zahan May 4 ah an riak, tiah khua mi pakhat sinin kan theih.SAC ralkap an rak phak hlan in kan zam dih cang, cheukhat cu Falam ah an zam. Cheukhat cu ramlak ah an zam, lo zong ah a zam mi an um, tiah an chim.
Tlangzar khua mi pakhat nih, “Tuzing May 5 sml 7:30 hrawng ah Tlangzar khua chung ah kahdohnak a chuak. SAC ralkap lei in a thimi zat hngalh khawh a si lo. Tlangzar khua inn 2 zong an khangh i a ciam dih. Inn kaang he naih tein a ummi inn hna zong mei nih a tlaih i an khangh lio pi a si, tam ngai a kaang te kho,” tiah The Chin Post ah a chim.
SAC ralkap pawl cu zing sml 8:30 ah Falam lam lei kal ding in an i timtuah cuahmah liopi a si ko, tiah Tlangzar khua in a zam mi pakhat nih a chim. Credit: The Chin Post. Thawngpang dang. CDF-Matupi sin ah ralhraang pahnih meithal zun thum he CDM an tuah ca ah khuami pasarih ralhraang nih an tlaih hna.
2022 April 21 ah, Matupi hrambunh SAC ralhraang Chit Ko Ko le Monywa hrambunh ralhraang sakhan in Phyo Min hna nih meithal zuun thum he CDF-Matupi sin ah an rak i fonh ruang ah SAC ralhrang nih khuami minung pasarih an tlaih hna tiah theih a si. Meithal an i zaam pi mi hi BA 72, MA 4 le MA 3 phun an si i mizapi ralkap sin aa fonh mi ralhraang hna cu a himnak ah chiah an si tiah CDF-Matupi nih May 4 ah cathanh a chuah.
Cathanh a chuah mi chung ah, Kan sin ah CDM an rak tuah mi kong he pehtlai in Matupi khuami nu 6 le pa 1 ralhraang nih an tlaih hna i an tukvelh hna an hrem hna. An meithal zuun 3 ngah khawh than nakding ah khuami tlaihkhih, tukvelh le an hrem hna lawng si lo in raal khamnak ah an hman mi hna hi CDF-Matupi nih kan duh hrimhrim lo,” tiah aa tial. Cun, SAC ralhrang telh in zei bantuk ralhraang phu he hmanh i thlennawn in zeihmanh kan tuahti bal lo tiah aa tial chih. Credit: The Hakha Post.
Leave a Reply