Breaking News. Atu hi Kalaymyo Tahan sang ah meithal puah thawng le hriamnam ngan puah thawng theih a si. Tuni June ni 15 zingka suimilam pakua thok in Kalaymyo khuapi Tahan sang ah meithal thawng le hriamnam ngan puah thawng theih a si. Ralhrang kawlralkap tampi hna cu Tahan bawlung kun lei ah an phak hnu an i kap tiah theih a si.
Thawngpang dang. Thanhnak an tuahmi cu CDF Zotung an mah le mah sakhan an i laakpiak, meithal zuun 6 le kuan 1000 leeng an laak. Kawlram buainak chuah hnu mipi runveng tu in a dir mi CDF Zotung cu an mah le mah kar ah i hmuh thiam lonak le buainak um ruang ah an mah le mah sakhan an i laak piak i meithal AK le Rifles telh in zuun 6 kuan 1000 leeng an laak tiah CDF Zotung sin in thawng kan theih.
Atu bantuk in meithal an i laakpiak le sakhan an i laakpiaknak a ruang hi, zatlang uknak kalpi a duhmi le duh lomi an um ca ah a si tiah kan theih. Hi kong he pehtlai in CDF Zotung General Secretary nih, Kan sakhan an rak laak hi June 10 chun hrawng ah a si. Minung thazaang 40 hrawng nih an rak kan fuh. An hruaitu bik hi Ro Thawng Ling a si.
Anmah lawng ra loin Gangaw PDF an i sawm hna i an motor zong an hman. Kan sakhan an kan fuh lio ahhin meithal nan kan pek lo a si cun tiin an kan tlerh. Kanmah lei tlaih lio mi meithal zuun 6 le kuan 1000 leeng kan pek hna,” tiah CCN ah a chim. Cun, meithal le sakhan an kan laakpiak lawng si loin February 23 i zapi lungtling in suai mi bylaw zong an hrawh dih tiah theih a si tiah nizan ah CCN ah langhter a si.
Hi konghe pehtlaiin Khin Ting timi nih comment ah a tialmi cu, Hi bantuk thawng hman lo tial hi i ralrin a hau. Keimah hi Zotung ka si aa pheu mi minung pathum li kha an auh hna i an duh lo caah an thilri kha phungning tein an lak biatu a si. Meithal Zunkhat hmanh an thlah lo. Hi bantuk in miphun min zuar in tangka kawl hi ningzak zok a si i kan i ralrin a hau lai hih. Thawngfiang theih hnu lawngah tial ah a ttha tiah Khin Ting nih fianternak a tuah.
Leave a Reply