Thawngpang tthatuk si. Tuzing ah ralhrang kawlralkap minung 150 hna cu mipi ralkap nih bomb in an puah hnawh hna i ralhrang 30 an thi. Sagaing ramthen Katha peng ah ralhrang kawlralkap minung 150 hna cu mipi ralkap hna nih tuzing ah bomb in an thuat hna i minung 30 an thi tiah mipi ralkap nih an thanh.
May ni 22 zingka suimilam panga le minute hleinga ah thaazaang 150 hrawng asimi ralhrang kawlralkap hna cu Paykung in Katpaleih khua ah ke in an ra hna. Ralhrang hi minung 150 hrawng an si. Katpaleih in Katha khuapi ah an kal lio ah ABSDF le PAHKAPHAH fonh nih voihnih bomb in an thuat hna.
Ralhrang hna cu minung 30 hrawnghrang an thi tiah an langhter. Cun lam a zawhtu ralhrang kawlralkap hna cu pehzulh in lam zong an kal ti lo tiah theih a si. Hi konghe pehtlaiin nizan zongah Kawlin khuapi Administration Office ah a ummi ralhrang hna cu kah an si Kahdohnak ah ralhrang pahnih zong an thi tiah theih asi.
Thawngpang dang, Breaking News. Kalaymyo khuapi nitlak lei sangah hriamnam ngan a puak cuahmah tiah theih a si. Tuni May ni 22 zingka suimilam pariat le cheu hrawngah puakehnak a chuah hi a si. Hriamnam ngan puah thawngpang theih a si. Hi hriamnam ngan puahnak hi khuapi chungin kahmi asi.
Kalaymyo khuachung in Mittha tiva lei Inkyaw khua le Garden khua lei ah an kahmi a si tiah an langhter chih. Hi hriamnam ngan le puahnak ruangah Khuami hna cu pumhnak zong a um lai lo tiah an thanh. Ralhrang le mipi an i kahmi a si maw silo timi theih a si lo.
Leave a Reply