Breaking News. Yangon khuapi Hall, pawngah bomb a puak. Yangon ramthen Kyauhttara peng, Yangon khuapi Hall, Sipin luhnak pawngah bomb a puak. Mizaw phurhnak motor pathum zong an phan tiah a chim. Tuni July ni 30 suimilam hleikhat ah bomb a puah hi a si. Asinain ahohmanh bomb a puah lio ah hin an um lo tiah theih a si.
Tuni hi zungkhar asi caah a pawngkam ah hohmanh an um lo. Mizaw phurhnak motor pathum an luh cu ka hmuh. Atu hi lam vialte hna cu an khar diih tiah minung pakhat nih a chim. Cun Sule hall hnulei zongah bomb puah thawng a um rih.Atu hi uico ralhrang hna nih lam an phih hna Suimilam hleikhat ah asi tiah a chim.
Cu hnu ah 37 lam ah ralhrang nih mino pahnih hna cu an kah hna i an tlaih hna. An kahmi mino hna kuannih an hliamh hna tiah a chim. Mino pahnih hna cu an kah hna hnu ah an tlaih hna, Mino pakhat cu lukhuh nak le angki leng nak aa hruk ti a si. Cun ralhrang hna nih motor chungah mino hna cu meithal par in an suk rih hna i, tiah an chim.
Hakha le Thantlang karlak thawng. Timit hlei SAC nih remh an timh caah kaphnih kar entainak a fak. Chin ramkulh, Hakha in Thantlang lei kalnak lam cungah a ummi Timit hlei cu CDF nih 2021 lioah rak chah a si nain atu ah SAC ralkap nih remh ṭhan an i timh caah CDF le SAC ralkap karlak entainak a fak tiah theih a si.
Hakha-Thantlang lam cu hman rih lo ding in CDF nih mipi ralrin a pek hna.SAC ralkap pawl cu July 28 zinglei ah ke in phukhat an kal, cun July 30 zong ah Hakha khuachung in mawṭaw pakhat in an kal ṭhan” tiah khuami hna nih The Chinland Post ah an chim.Hakha ah hram a bunhmi LIB 266 nih Hakha-Thantlang lamcung timit tiva lei ah thazang an chap lengmang tiah theih a si.
Atu timit hlei remh ding ah aa rak thawhmi hi July thla hramthok lei ah Sagaing ramṭhen, Kalaymyo in Hakha lei ah a raami an si i an raknak lam thluangthluan ah CJDC Special Force, CNA le CNDF phufonh nih voi 8 hrawng an kah hna caah SAC ralkap a thimi an rak tam tiah theih a si. Credit: The Chinland Post.
Leave a Reply