Online ah buaihram a thawk hmasat tu le mi a sawisel hmasa tu cu Trinity kan si.Debate tak2 tikah le bible cang nan chim ciao tik ah cun trinity lei kan sung peng fawn..trinity kan mualpho lo nak pakhat cu Online in Nan nau le nan hawi le nih kan in tenh tuk hna le a si hi..Say Aung Myint thang le bang hna cu. na biachim le na bia lehdan kha thate zoh tik ah a piangthar lo tak2 mi dawh na lawh ko kha. Credit: Dawtsung Khun.
Dr. Rual Uk cabia. ONENESS PAUH PAUH KHRIH VAILAMTAHNÂK RAL AN SI.Oneness ai timi pauh Khrih vailamtahnâk ral an si timi hi na ruat bal maw! Oneness Judah mi hna cu Pathian pakhat lawng a um timi zumhnâk nih an thlarau mit a cawtter hna i cân saupi an rak hngahmi an Messiah, Pathian Fapa Jesuh a rat tikah taksa mit in an hmu ko nain thlarau mit in an hmu kho ti lo.
Vailamtahnâk ah an rak khenh chih i nihin tiang Khrih Vailamtahnâk ral ah an i cang.Oneness Muslim hna nih oneness Judah mi bangin Pathian pakhat ALLah lawng a um timi zumhnâk nih an thlarau mit a cawtter ve hna i Biakam Hlun ah Pathian mi Adam, Noah, Abraham, Moses le Pathian Profet hna kha an pom ko hna nain Pathian thlahmi Messiah Jesuh, Pathian Fapa a sinâk kha an hlawt i Pathian thlahmi profet pakhat bantuk ceu ah an cohlân.
An zumhnâk cauk Qu’ran nih Vailamtahnâk ah an khenhchih mi kha Jesuh si loin Jesuh aiawh in mi dang pakhat kha an khenhchih tiah a ti i nihin tiangin Khrih Vailamtahnâk ral ah an i cang. Oneness Jehovah’s Witness ai timi hna zong Jehovah lawng lawng Pathian a si timi nih an thlarau mit a cawtter ve hna i Jesuh Pathian a sinâk kha hlawt in Jesuh kong țialnâk Johan dal khat câng khat ah Bia cu Pathian a si’ timi kha ‘bia cu pathian pakhat a si’ (the Word was God timi kha the word was a god) tiah Pathian Bia kha a cafang an thlen hnu ah cafang dang kha an chap.
Oneness Jehovah’s Witness ai timi hna nih hin Jesuh an khenhchihnâk kha Vailamtahnâk ah a si lo. Tung an bunhmi ah pei an khenhchih ko cu tiah an ti i nihin tiangin Khrih Vailamtahnâk ral ah an i cang. An i pumhnâk ‘Kingdom hall of Jehovah’s Witnenss’ tiah an timi ah vailamtahnâk zong an umter bal lo.
Onenss UPC hna zong Pathian pakhat lawng timi nih an thlarau mit a cawtter ve hna i online ah kan hmuh bangin Mizoram UPC hna nih Lamzawhnâk (Sandahpiahnâk) an ngei i an hruaitu nih anmah Mizo holh in Isuan Kross ah min chhandam em? tiah a hun ti i mibu nih ‘Min chhandam lo’ tiah an au.
Lai holh ah cun Jesuh nih Vailamtahnâk ah a kan khamh maw? tiah hruaitu nih a hun ti i mibu hna nih A kan khamh lo’ tiah an ti. An nih UPC hna Khamhnâk Thawngțha cu Vailamtahnâk ah Jesuh nih misual caah a nunâk a pekmi kha si loin Jesuh min i tipil in’ kha a si. Vailamtahnâk cungah Jesuh nih “Ai lim cang (It is Finished) a timi kha tlanhnâk lawng pei a lim ko cu Khamhnâk cu Jesuh min tipil in hi a si tiah an ti i nihin tiang Khrih Vailamtahnâk ral ah an i cang. Khrih Vailamtahnâk ral an si.(they are the enemies of the cross of Christ) Filipi 3:18.
Leave a Reply