CDF HAKHA IN SALAI BIAK HNIN NIH RAM CAAH A NUNNAK A PEK

Hakha le Falam karlak kahdohnak ah CDF-Hakha ralkap Salai Biak Hnin nih ram le miphun ca ah a nunnak a pek, tiah thawngpang kan theih. Nizaan July 14 ah a cangmi Chuncung le Dokthek karlak kahdohnak ah Salai Biak Hnin a nunnak a liam hi a si.

CDF ralkap a hawile nih Salai Biak Hnin i a ruak cu tlamtling tein an lak cang, tiah minung pakhat nih The Chin Journal ah a chim.Falam-Hakha karlak kahdohnak ah hin CDF-Matupi Salai Alawng le atu CDF-Hakha in Salai Biak Hnin nih an nunnak an pek cang.

Atu tiang ah SAC ralhrang lei zong in minung 35 leng an thi ve cang. Hakha lei a rak panhmi SAC ralhrang nih Chuncung khua cu nizaan le nihin ah mei in an khangh tthan i atu ca kan ttial lio caan ah hin inn 15 hrawng a ciam cang. Credit: The Chin Journal.

Adang relchap. An Kham Kho Hrim Hna Lo Mu! Chin Pasaltha rual hna, nan mawh hrimhrim lo,an nih cu hriamnaam ngan he hme he cunglei he tang lei he a ttang mi an si caah nan mawh hrimhrim lo. Ni tlawmte nan i kah chungah tampi 60 tluk nan thah khawh mi mi hna hmanh hi, Bawipa bawmhnak a si i, Bawipa kan thangthat ko.

A tu kan theih ning ah,Dokthek khua an lonh i Chuncung khuachung an luut cang i,Chuncung khua cu an khangh thluahmah cang ti a si.Chuncung khua an lanh khawh ahcun,Hakha a si cawlh cang i an thilri tampi he ralhraang tampi he Hakha an luut tthan cang lai tinak a si.Cucaah,Chin mipi hna nih donglo in thlacam hi kan rian a si ko hih.Cun Chuncung khua mi hna ca zongah thlacamnak in bawm cio hna usih. Credit: Pu Duh