Bomb Thlahphoih Sualnak In CDF-Hakha Ralkap 2 Nunnak A Liam! Zahan July 7 sml 9:30 hrawng ah Hakha ah bomb thlahphoih sualnak in CDF-Hakha ralkap pahnih an nunnak a liam, an ruak cu SAC ralkap nih an laak hna, tiah theih a si. July 7 zan sml 12:00 tiang ah SAC ralkap pawl cu No.1 sianginn pawngkam hrawng ah tam ngai an um, tiah mithmutu pakhat nih a chim.
Salai Roland Kil Kam Thang le Salai Daniel Nih Chinland le Chin Miphun Caah An Nunnak An Pek Nizaan,Chiapa (July) 7, zaan slm 9:30 hrawng ah CDF-Hakha ralkap Salai Roland Kil Kam Thang le Salai Daniel cu bomb i thlahphoih ruangah an nunnak a liam. An ruak cu SAC ralkap nih an lak tiah theih asi. Chinland le Chin Miphun caah a nunnak petu Kan miralțha hna upatnak sangbik kan in pek hna.
Relchih; Chinland Defense Force Thantlang Nih Ngaihchiatnak Cathanh An Chuah Chin ramkulh, Thantlang CDF nih July 5 ah a nunnak liam mi Salai Hram Cung kongah ngaihchiatnak cathanh cu July 7 ah an chuah. An cathanh chungah CDF Thantlang ralkap, Salai Hram Cung(kum 20) cu hramhram uknak latu ralhrang hna ral in a nunnak a liam.
Ram le miphun caah biakamnak na tuah bang na nunnak na pekmi cungah CDF Thantlang nih a sang bik upatnak kan in pek. Na tantak mi na chungkhar kan ngaihchiatpi tuk hna. Na rian taang rihmi cu na hawile CDF Thantlang nih a dongh tiang kan rak peh zulh lai, tiah CDF Thantlang nih July 7 ah cathanh an chuah. Crd.The Chin Post.
Leave a Reply