CDF Hualngo tangka tingruk a hlen hna. Felina Cherput timi nih meithal cawknak ka theih tiah mipi ralkap pawl a hlen hna. Hi konghe pehtlaiin Tahan News nih a langhtermi cu Felina Cherput timi facebook account nih mipi ralkap hna sin ah meithal cawknak ka theih ati hna i tangka a hlen hna.
Meithal cawknak ka theih tiah aa chim tikah meithal cawknak tangka a kut ah an pek. Asinain pakhat hmanh a cawk piak hna. Kalay-Kabaw ah a ummi PDF pawl ralring tein um cio uh tiah bia zong an cah chih hna. Tulio caan ah mah pumpak hlawk nak in thil a tuahmi Felina Cherput sin ah ralring tein um uh tiah an langhter.
Hi konghe pehtlaiin comment ah an tialmi cu CDF Hualngoram meithal cawknak dingah india tangka in tingruk zong a hlen hna tiah an chim. Kanmah buu zong aa kan hlen i, india tangka in tingruk kan sung. Kan tlaih ahcun nungdam in a chuak lai tiah a langhter.
Mah thawngpang an thanhmi kongah mihlengtu Felina Cherput zong nih comment a tuah ve hna. Mualphoh nan ka timh maw Hualngo pawl. Ka tuah dingmi ka tuah ve mi a si. Uico pawl doh ngam loin mah mi le sa doh hlei nan thiammi a um lo simu tiah lehnak a tuah ve hna. Chirhchan, Tahan News
Thawngpang dang.Nizan ralhrang kawlralkap le mipi ralkap rampi huap in i tukdoh kahnak ah ralhrang kawlralkap lei in minung 66 an thi i, mipi ralkap lei in minung pahnih nih ram le miphun caah an nunnak an pek ve. Culawng siloin ralhrang kawlralkap hna nih mipi ralkap chung in minung 13 hna cu an tlaih hna.Rampi huap in April ni 28 ah ralhrang kawlral minung 66 an thah hna.
Mipi ralkap lei in minung pahnih nih ram le miphun caah an nunnak an pek tiah mipi ralkap hna nih thanhnak an tuahmi chungin theih a si. Ralhrang a thimi chungah KNU kut in a thimi hi minung 25 an si.Sagaing, Watlat ah ralhrang minung 20 an thi i, Magway, Pakoko ah minung panga an thi.
Cun Matupi ah ralhrang minung 7 an thi tthan rih. Culawng siloin Sagaing, Salinkyi ah ralhrang minung pakua an thah hna. Mipi ralkap lei in a thimi hi pakhat le tlaihmi minung 13 hna hi Yangon ramtthen ah a si, minung pakhat tu hi KNU lei in a si ve. Note: Thanhnak an tuah tiangah a thimi theih khawhmi zat a si i, thanhnak an tuah hnu ah ralhrang a thimi tampi an um rih lai.
Leave a Reply