Meithat pawl an umnak tlangbo ah hmunhma a khuarmi SAC ralkap pawl kah an tong. Chin ramkulh, Mindat khua meithat pawl an umnak ah hmunhma a khuarmi SAC ralkap pawl cu May 22 zaan sml 10:00pm hrawngah CDF-Mindat nih an kah hna tiah theih a si.Kahdohnak hi sml cheu hrawng a rau i SAC ralkap 2 an thi.
CDF-Mindat lei nih hliamhma tuar lo tein hnu an kir kho tiah CDF-Mindat nih an thanh.SAC ralkap nih sianginn awn ṭhan an i tim. Sianginn an awn ṭhan a si ahcun a zual chin lai. Zeitin hmanh in kan cohlang kho lo. Cucaah, ralrin peknak caah kan kah hna hi a si” tiah CDF-Mindat biachimnak nawl ngeitu Salai Ha Om nih a chim.
Non-CDM saya/mah pawl kan tlai hna lo nain SAC nih a duhning in sianginn a awn ṭhan a si ahcun fak piin a zizutnak kan tuah lai tiah a chim.Mindat khua chungah a ummi mino fim cawnnak caah cun NUG program le Mindat mipi uknak phu kuttang fim cawnnak program ah kai a si i pehzulh in tuah a si tiah a chim fawn. May 23 zing ah SAC nih hriamngan kah thlorh in a kah ruangah kum 11 hngakchia pakhat a ke khatlei a bul, kum 40 nu pakhat zong a lu ah hma a pu i mipi inn 2 a rawk tiah a chim. Credit: The Chinland Post
Thawngpang dang. Rihkhuadar ah hriamnam ngan he hriamnam he a puak cuahmah. Tuzanlei suimilam pahnih le cheu ah Chinram kulh Falam peng Rihkhuadar khuapi Ahmat 1 sang ralhrang kawlralkap umnak sakhan in meithal thawng theih a si. Hriamnam ngan he a hme he a puah thawng a thang.
Hi konghe pehtlaiin khuami pakhat nih a chimmi cu Aliamcia March ni 29 i ramri CNDF umnak ralhrang nih an lak hnu ah a tutan hi meithal puah thawng kan theih a vui khatnak a si tiah a chim. Rihkhuadar ahmat 1 sangah a ummi pakhat nih a chimmi cu meithal puah thawng hi a tu le tu in theih a si, a fak ngai in voithum hrawng an puah.
Hriamnam ngan thawng hi voithum li hrawng theih a si. Rih le Falam lampi hrawngah cun mipi a hliamhmi an um lo tiah a chim.Hi meithal puah kahnak hi Ralhrang kawlralkap maw an si zeibantuk hriamtlai dah an si timi theih a si lo.
Leave a Reply