Ngaihchiatnak. CDF Thantlang hruainak in tuahmi Tlangkip Batalian Chung in Minung 2 hrawng cio Tikir Sizung ah Ni 4 Chung Sii lei training kai ding in timhtuahnak an ngei. Minung 25 hrawng an rak phan.Keimah zong ka kai ve. Nikhatnak kan thok, Chun kan van i dinh ah CDF Upa pawl Tikir an rak phan hna.
Kan van i chawnhna i Hriamnam ngan mi kan hneksak lai an ti i Motor pa 2 Le Cycle pa 10 hrawng in Tikir Dam lei ah an kal. Voihnih tiang an puah ah a tha i a Voithumnak ah an i hliam. Bawi Za Ceu ( CC) hi a hmun ah a nunnak a liam. (CC )Cung Hlei Thawng hi Tikir Sizung ah an thlopbul hnu ah Aizawl Sizung ah an kal pi colh.
Lungler Sizung Caah nih bawmh mi Thilri a rak phan pah cang.Nizan CDF Thantlang thil cang mi ah tikir siizung i kan riantuan hawi pa nih a hmuh ton mi thil sining ah a kan kuat mi a si. Credit: Laipa Kut Zung
Thawngpang dang. Chin ramkulh thahlohnak phen ah a pahnihnak rank sang bik Col. Saw Tun. Colonel Saw Tun cu Chin ramkulh ah a pahnihnak rank sang bik ralbawi a si i Chin ramkulh mipi thahnak, ruak hlohnak le raltuknak lei sualnak tampi buarnak cungah nawl ngeitu pakhat a si ve. Amah hi Chin ramkulh, Hakha peng kahdohnak a tawlreltu a si lengah Hakha khua ah hram a bunhmi LIB 266 bawi pakhat zong a si.
Colonel Saw Tun kong he pehtlai in CHRO rianngeitu pakhat nih “Amah hi hramhram in uknak lak a si hnu ah General Myo Htut Hliang he Laitlang a phanmi an si. Hakha ah hrambunh a simi LIB 266 i Chin ramkulh Strategist zong a si. Ralkap lei rank cun General Myo Htut Hlaing changtu a si.Hakha LIB 226 nih a tlaihmi tangah thil a cangmi vialte nawlpetu le a tuahtertu a si. Inn khangh siseh, mithah le mihrem vialte zong hi amah Tactical Operation Commander a sinak in nawl a pekmi lawngte a si. Hi vialte a kan thattu, a kan nawngtu, kan inn le lo khangtu hi amah kutcung ah um kan ti khawh.
Policy cu Naypyitaw lei in a raami a si ko nain ral an tuk tik i ralram ah a cangmi le mipi sin thil an tuahmi vialte hi amah kutcung ah ummi lawngte a si” tiah The Chinland Post ah a chim.A luancia June 30 ah, Kalay in Falam lei a rak kaimi SAC ralkap pawl nih Varung (Valung) khuami Pi Tial Kap (kum 63) cu meithal in an rak kah i khuami hna nih a ruak cu July 3 lawng ah rak hmuh a si.
Cun, June 2 zongah Falam peng Hlawngzawl khuami Vum Lian Thang (a tai tang a thimi) cu SAC ralkap nih hri hren hnu ah an rak thah.Cubantuk ṭhiamṭhiam in a luancia 2021 May 9 zong ah Chin ramkulh, Hakha khua ah Pu Tler Ling le Pu Kham Bawi cu SAC ralkap nih an rak tlaih hna i an tukvelhnak hna ah an rak thi. Sihmanhsehlaw SAC nih cun Pu Tler Ling cu thi kai zawtnak in a rak thi i Pu Khamh Bawi cu cuap zawtnak in a thi tiah an rak thanh.
An ruak zong chungkhar nih an hmuh hna lo bang, Ralkap SAC nih an rak pe duh hna lo i, an rak hloh.A cunglei langhtermi mipi sualnak ngei lo thahhlohnak siseh, Thantlang inn khanghpiaknak siseh, CDF le SAC ralkap kahdohnak vialte hi Colonel Saw Tun nawlpeknak tang ah a um dihmi a si tiah theih a si. Credit: The Chinland Post.
Leave a Reply