CDF PAWL ZIAH PATLING A SI CANG MI NIH NAN BIAKAM CU NAN ZULH LO?

Khah, Ka dawtmi Laifa,Sangau YLA hna,Bawikhrih Min In Ngeihthiam kan hal ko hna e…Holh pakhat a hmang mi le miphun ah pakhat ai ti khun mi veve dah kaw kan si khah,nan thinhuntuknak kha kan in theih piak hna,nan mawh lo.Asinain aw unau hmanh ah pakhat fa a si mi kan si hi nan philh ka zumlo,a tu nan khuakhaan mi zong hi nan ngaihchiahnak langhternak caah a si ko lai ka zumh.

A taktak cun a tu nan thanh mi hi nan tuah sian ka zum lo hih.A rang cu,Pakhat pa bak kan si hna caah kan tisualnak zawn tete tu kha i chim hna usilaw,i ngaithiam hraam ko hna usih.Cu lo ahcun kan unau Mar pawl an lung kan tlingtuk lai i,holh lo te in an zapei an bengh khawh mi dah kaw a si cuh.Kan fa nau le nih an palh mi awlte in a ngaithiam kho tu hna cu nanmah lawnglawng dahkaw nan si ko hih.Cuhlannak sang in hi thil nih hin kan i dawtnak cu santer chin hram seh.

Note:CDF pawl, ziah patling a si cang mi nih nan biakam cu nan zulh lo? Kan chuahpi mi kan unau hna hi an mawh hrimhrim lo hih. A tu lamkham lawng an ti.Miphun dang lebang si hnaselaw,an khua chung a um cia mi hmanh an tthawl hna hnga hih.Kan unau te an ti caah dahkaw an khua chung um mi hna cungah tthawlkawnnak zei an tuah lo hih.Hmailei ah nan lung fiim cikcek cangselaw,hibantuk hin tuah khawhlo mi kha awltuk in biakam i tim ti hlah uh tiah kan nawl hna. Kaalawm. Credit: Pu Tin Duh Thang.

Sangau YLA Cathanh. CDF NIH AN BIA AN LET RUANGAH PEHTLAINAK LAM PHIH A SI. A luancia 3 Hniang 2022 i Young Lai Association Sub-Headquarters:Sangau khuakhannak in Lungpher South YLA nih Pu K.Lallungkham sinin Heroin No.4 an tlaihmi kongkau ah YLA Sub-Hqrs:Sangau nih cun tutiang ai pehtlaimi thil le Rithaisi an rak phurhnak a dothlat peng i, Khuachak lei in Pu K.Lallungkham sin i rak petu zong rak tlai ding in CDF pawl nawlpat an si i, CDF lei zong nih a herhning in an rak pehzulh ve fawn i an rak tlaih colh ve.

Cu hnuah CDF lei he zong Phone in i chawnhbiak peng a si i, YLA Sub-Hqrs:Sangau nih Khuachak lei Pu K.Lallungkham rak petu sin in thil tampi theihhngalh duhmi le hal duhmi an ngeih caah Pangkhua ah an tlaihmi pa kha rak ratpi in i tong ding in a liamcia nihnih thum in le nihin (8 Hniang 2022) tiang khan hnatlakṭinak an ngei cang.

An biachiahmi le hnatlak ṭinak te kha zul in nihin ahkhan Pangkhua ah YLA Sub-Hqrs:Sangau Office Bearers pawl an tum hna. Anmah lei zong nih Bungtlang tiang an rak ratpi ko hnu ah le YLA Sub-Hqrs:Sangau Office Bearers pawl nih zaanlei 3:00PM tiang an hngah hna hnu ah an bia an hun zuh ṭhan diam i, Tipi ah SYLA tu nih an va ton hna lo ding a si cun an kir ṭhan lainak ding kong kha an thanh ṭhan hna.

YLA Sub-Hqrs:Sangau nih a ṭhatremnak bik kawl in kan hnatlakṭi ning te kha an zulh ko lio ah an bia an van thlen ṭhan diam hi Young Lai Association zei ah rel lo le i upat lo ah an ruah i, an rak ratpi tik zong ah i tukden le i vuakvelh zong zeihmanh a um lai lo i bia kaahnih khat te lawng i hal a si lai tiin ṭhatein bia an chiah hnuah hitin rithaisii Khuathlang Lairam i a phurtu kongkau ah an bia an thlen ṭhanmi hi YLA Sub-Hqrs:Sangau cu an lungsi lo ngaingai.Kan hmailei caan ah i theihthiam ṭinak le ṭhatremnak le ṭuanṭinak ṭha a um chinchin khawh nakhnga hnabeisei ruahchannak tampi he YLA Sub-Hqrs:Sangau nih cun kan i tlawnkainak Lam phihkhar rih siseh tiah Biakhiahnak a tuah i,

9 Hniang 2022 thawk in i chawnhthan a um hlan lo cu Khuachak le Khuathlang lam phihkhar a si ti zapi sinah theihternak an tuah. Cu hlei ah Tipi zongah Lawng hman khawh a si lai lo.Cucaah kan Unau Khuachak lei i a ummi le Khuathlang lei i ummi nih a ruahzia nan kan thiampiak naklai le caan zeimaw chung cu nan rak kan theithiam hram nak lai zaangfah kan in nawl hna tiah YLA Sub-Hqrs:Sangau nih cathanh an chuah. Laknak. The Lairam Times