CDF PHU KHAT NIH AN LUNG BIA AN PHUAN CANG

CDF Matupi Zeitik Hmanh Ah Minung Hmai Ah Kan Khuk Kan I Bil Lai Lo. Miphun le ram caah nunnak thapmi ram caah riantuan cuahmah mi CDF Matupi zeitik hmanh ah minung hmai ah khukbil an i tim lo. Pakhatnak. CDF Matupi cu a nungmi Pathian a zummi kan si. Pahnihnak. CDF Matupi Headquarter (Camp Zion) ah zinglei ah voikhat thlacamnak (Devotion) zaanlei ah voikhat Special Prayer Time nitin tuah a si.

Pathumnak. CDF Matupi Headquarter ( Camp Zion) ah tonpumhnak (meeting) tuah caan paoh ah a hramthawk ah thlacamnak in thawk i a donghnak ah thlacamnak in donghter a si. Palinak. CDF Matupi Headquarter (Camp Zion) ralkap hna cu CDF Matupi hruaitu hna rian i palhnak um lo dingin zarkhat voikhat tlamtlin lo nak chim le pekhat le pakhat thazaang i peknak an ngei.

Panganak. CDF Matupi Headquarter (Camp Zion) ah raltuk i thawh lai paoh ah tlacamnak ngeih ta a si, cuhnu ah raltuk i thawh a si. Paruknak. CDF Matupi Headquarter (Camp Zion) i Devotion..Special Prayer..Worship Service.Meeting Service.. caan a bikin a hruaitu hna cu (Ph.D) ngah cang mi a si.Pasarihnak. CDF Matupi Headquarter (Camp Zion) Ralkap hna cu miphun, biaknak, holh a khat lo an tam nain chungkhar khat bantukin dawtnak he kutsih in ram le miphun caah nunthap in riantuanmi an si.

Pariatnak. CDF Matupi cu a nungmi Pathian ah hrambunhmi le hmailei karhlannak ding caah Pathian sinah pekchanhnak a ngeimi kan si caah, a diklo mi phu le zatlang, i thencheunak a chuahter kho tu bia le thiltuah mi ralhrang hmai ah zeitik hmanh ah kan khuk kan i bil lai lo, mizapi he hmunkhat ah kan dir. CDF-MATUPI Spoke person.. Nai John, CDF.Matupi(Camp Zion).Dohthlennak ah teinak kan hmu hrim lai. TLT

Thawngpang dang.SAC kut ah hriamnam he PDF 38 an lut cang, tiah SAC chimphuannak nawlngeitu Zaw Min Htun nih a chim.Nizan June 16 ah Naypyitaw ah a voi 16nak thawngpang fianternak tuah lioah a chim hi a si.SAC nih PDF telh in a dang phu zong upadi chung ah phung ning tein nan luh ahcun kan in cohlan hna lai, tiah June 12 ah cathanh an rak chuah.Cathanh an chuah dih hnu June 15 tiang ah Magway ramṭhen Ngaphe peng in PDF 9, Sagaing ramṭhen Kalay peng in PDF 5, Ayeyawaddy ramṭhen Pathein le Kyonepyo(ကျုံပျော်) peng ah PDF 9 le Mandalay ramṭhen ah PDF 15, an dihlak 38 cu SAC sinah an lut, tiah Zaw Min Htun nih a chim.

Hriamnam he SAC sin a lutmi chung ah Magway ramṭhen, Ngaphe peng PDF 9 hna cu dohthlennak phu he pehtlaihnak a ngeimi an si lo, tiah People Revolution Alliance(PRA – Magway) ṭuanvo ngeitu nih a chim.Ngaphe peng chung ah a cawlcang mi hriamtlai hi PRA-Magway ၊ 3T-Trangle le PDF phu 3 lawng kan um.SAC sinah a lutmi phu hi kanmah he aa pehtlai mi an si lo, tiah a chimchap.SAC nih hriamnam chiah ding sawmnak cung ah, PDF hna nih kan cohlang lo i, a dongh tiang kan doh lai, tiah PRA-Magway ṭuanvo ngeitu nih a chim.SAC nih PDF cu hriamnam chiah ding in a sawm len ko nain SAC ralkap le palik a zam i mizapi he aa fonhmi 10000 leng an phan cang, tiah theih a si.