SAC Ralhrang taang ah um duh loin, mipi lei ah a dir i CDM a tuah mi miphun pasaltha Police nih raldohnak ah a nunnak a pek e tiah theih asi. An chim ning ah a mah hi Police a si hlan ah Motor lei PK a ttuan mi zong a si tiah an chim.Min Aung Hliang hruaimi ralhrang nih rampi uknak hramhram in an lak i sualnak ngei lo ram mipi tamtuk an thah hna hnu in ralhrang cawlcanghnak a duh lo caah CDM a tuah mi a si ve tiah an chim.
A mah hi Police a si i tha tein training a kai cang mi a si cang bantuk in miphun hriamtlai sin ah aa fonh i raldohnak ah hmaisuang in a kal lawng si loin Sakhan hmu tiang ah an hman mi asi tiah an chim. An chim ning ahcun a mah hi CDM a tuah hnu ah, Miphun hriamtlai a simi No.1008 Infantry – Southern Shan ah Sakhan hmu a ttuan mi asi.
SAC ralhrang pawl an kah hna nak ah miphun le ram caah a nunnak a pek hi asi” tiah an chim. Police le ralkap chung in CDM a tuah mi an tam ngai cang, a cheu cu miphun hriamtlai i fonh in raldoh nak ah nunnak pe mi an um len cang.
Relchih a duhmi caah Thawngpang dang. USA Khampat khuami nih miphun dothlennak caah $100,000.00 an thawh.USA ummi Khampat khuami nih miphun dothlennak caah $100,000 an thawh, Bawipa nih ram le miphun caah thahmem santlai dingin kut le ke ngeihter ko seh! Ziah Khampat nih cu vial lawng cu an thawh, Laitlang khuate hmanh nih ting hnih a tho kho mi an um cu, kan ti khawh men lai nain, USA Rawn Chin ah siseh,
Khampat CDF caah siseh, hmun dangdang ah a tho tambik an si zungzal i, hihi ruahnak lengpi tiangin miphun caah thazaang an vun chuah khawh than hi khuaruahhar lei asi ko. Hi ral hi kan tei hrimhrim lai. Khampat khua voihnihnak an tlaknak hi asautuk rih lo nain Pathian nih thluachuah a pek i Laimi caah thathnemnak tampi an chuahpi nak tampi hmuh khawh a vun si chin lengmang cang.
Rawn Chin zongah Khampat an i tel lo ngaingai ahcun a tling lomi le hmai ah kal khawh ngaingai asi bal theng lo tluk in, khua biapi taktak asi Laimi caah cun! Bawipa nih pechantu vialte a letza in thluachuah pe hna sehlaw hi phaisa hi kut ke ngei kho dingin hmang chinchin ko seh! Kan tei hrimhrim lai!
Leave a Reply