Malaysia ah a thimi fapa hna ruak an fim cang. Malaysia ram, Kuala Lumour ah a thluak a tlamtling pah ti lomi pa nih a fale 3 kha hlei cung in a nam hna i amah zong a zuang ve i aa thah caah a fale 2 le amah an thi i a fapa te pakhat faak ngai i hliam. A thimi 3 cu August 4 ah an ruak an thlak cang hna tiah theih a si.
Hlei cung in a zuang mi hna hi Mara miphun an si tiah theih a si. Hlei cung zuannak in a thimi hna hi U Cholei (kum 38), a fapa Vabiechose (kum 6), a fanu Vadetisoh (kum hna an si i a fapa Shadrah Vabiechopha (kum 3) cu aa hliam caah Selayang sizung ah an thlop lio a si tiah theih si. Credit: The Chinland Post.
Thawngpang dng. Kalay peng, Tayakone khua pawng kahdohnak ah PDF-Kalay hriamtlai 1 a nunnak a liam. Thlanglei Kalay, Tayakone khua pawng August 3 ah SAC ralkap le mipi hriamtlai phufonh hna karlak kahdohnak ah PDF-Kalay battalion 6 kuttang hriamtlai a simi Wai Min Thaw (Kum 19) cu hriamngan nih a khen caah a nunnak a liam tiah theih a si.
August 3 kahdohnak ah hriamtlai 3 hma an tuar i SAC ralkap a thimi an tam tiah PDF-Kalay battalion 6 nih a thanh.August 4 zongah thlanglei Kalay, Technology University lei, Tayakone pawngkam ah SAC ralkap le PDF-Kalay, CNDF, CDF-KKG le RKDF phufonh hna karlak ah kahdohnak a fak tiah theih a si.
Leave a Reply