CELH A SI HRIMHRIM LO. LAIMI PAFA RUAL PATHUM AN NUNNAK LIAM

Tutan Laimi or Chinmi kan tonmi thil cu ee lung a fak hringhran ko. Ngaih a chia tuk hringhran mi thawngpang a si ee, Malaysia ah khuasa mi Fartlang khua Mara Peng kan unau pa farual cu inn cung in an zuang i pa bik le ngakchia pahnih an nunnak a liam i, pakhat cu siizung ah an chiah hna tiah theih a si.

Miphun dang Ramdang a simi Malaysia Kepong inn cung dot 3 in nihin August 2, 2022 ah Pu Meisakotla Kum 38, Vadetisoh kum-8, Vabiechose kum-6 hna le Vabiechopha an tla i pathum an nunnak a liam i pakhat hi sizung ah an kalpi tiah theih a si ee. Thawngpang theih ning ah an pa nih a fale hi a hlon hna hnu ah amah zong aa that ve tiah an chim.Crd: MCFM

Thawngpang dang. Mingalardone Ah Khuabawi pa Le A Nupi Cu Hriamtlai Phu Nih An Kah Thah Hna. Yangon ramṭhen, Mingalardone peng ah motor in a kalmi khuabawi pa le a nupi cu nihin August 2 zinglei ah hriamtlai phu pakhat nih meithal in an kah thah hna, tiah theih a si. Kah a tong mi hna hi Ṭhohcianh peng, Shwenanthar khua mi Win Naing Htun, kum 49 le a nupi He Mar Lwin, kum 42 an si, tiah theih a si.

An fapa kum 13 le an fanu kum 12 hna cu sianginn an va thlah hna lio ah Ṭhohcianh peng Daw Ngu hlei ah puahkehnak a chuak i an motor cu a dir. An dir lio ah cycle pahnih in minung 6 an ra i, meithal in an kah thah hna, tiah Myanmar Now nih a ṭial. Cu meithal kahnak ah an fale ngakchia pahnih cu hliamhma an pu lo. A pawngkam hrawng cu SAC ralkap nih lam an kham dih, tiah theih a si. Credit: The Chin Post.