CELH A SI LOH EE, KAN LAIPA TLAMTLING LO AN VUAK EE

SAC Ralkap Nih Falam Ah Tualchungmi Mitlamtling Lo Pakhat An Vuak! Chin Ramkulh, Falam khua ah SAC Ralkap nih nihin July 1 zinglei ah “NLD angki naa hruk” ti in, Thluaklei tlamtling lo mi Aa Ek cu an velh tiah theih a si. Nihin zingka ah SAC Ralkap nih Falam khua luhka Pura pawng in chekhlatnak an tuah i cu lio ah cun Aa Ek cu an vuak tiah tualchung mi pakhat nih a chim. Credit: The Chin Post.

Cabia dang. Tutan Saya John Fready nih Dr. Aung Myint Thang cu nuthlawi tthit he atah chunh diam ko. Nai ah Mizoram kan unau hna Dr. PC Biaksiam le Rev Thang Lian Sang debate tuahnak nih social media ah thinlung a vun lak ngaingai. Culio cuahmah ah Global Rawn Chin lei nih tawlrel an timh cuahmah lio asi.

Tutiang ah Oneness le Trinity kong i ruah ttinak debate tuah dingin Trinity lei cun an i fiang cang i, Dr Aung Myint Thang a si. Oneness lei in tutiang ah hodah a chuak lai timi a fiang rih lo. Arauh hlan ah a fiang lai tiah an langhter. Hi konghe pehtlaiin Saya John Fready nih a ruahning a chim.

Saya John Fready nih a chimmi cu keimah ruah ve ning ah cun Dr. Rual Uk debate timh i, Dr. Aung Myint Thang debate pi cu khuapi nungak helh i khuate nuthlawi thit phun ah ka ruah tiah a tial. Saya John Fready nih a langhtermi zoh tikah Dr. Rual Uk hi debate tuahpi an timh pah timi hmuh khawh a si.

Chinmi vialte i chim cio hna usih. Mitlau Kawlnak. Salai Duh Cem Thang A Tlau. Thantlang peng, Lulpilung khua mi Salai Duh Cem Thang cu kan hnuzarh, Pur(june) 26 i Salen a kalnak in tutiang tlun in a hlam rih lo caah khua mi le chungkhar lungrethei in an um.Salai Duh Cem Thang cu a hawi le he Salen ah an kal i zaan ah ngaknu an leng.

Kei hawile inn ah a riak ding ka si le kan țin tak chung hna lai” a ti i a chuak chung, A riahnak ding inn zong a phan lo i tutiang khoi a um ti hngalh asi lo, Khua chingchan zong nih an kan kawlpi len ko nain a tutiang kan hmu kho rih lo tiah khua mi pakhat nih The Chin Post ah a chim. A hmutu nan um ahcun a tanglei langhter mi phone number ah pehtlai khawh i zuam cio ding in kan in nawl hna. Pehtlaihnak:09423886416