Chinmi caah thawngpang chia ngaingai pakhat a chuak tthan e. Apoi taktak. Mindat le Matupi karlak CDF Matupi sakhan pakhat cu ralhrang nih nizan ah an lak. Ralhrang nih an kah hna nak ah CDF Matupi chungtel pakhat a nunnak a liam i, midang pakhat zong hliam a tuar tiah an langhter.
Tutan ah an lakmi CDF Matupi sakhan hi ralhrang kawlralkap hna nih ngiatthlainak an tuah dih hnu ah zanlei suimilam panga hrawngah an va kah hna hi a si. Sakhan an va kal hnawh hna ahhin kap hnih in tukdohnak a chuak. Cun ralhrang kawlralkap lei zongin a thimi an tam ngai nain a thimi zat theih asi lo tiah an langhter chih.
Cun zan suimilam hleikhat le hleihnih karlak zongah ralhrang kawlralkap nih CDF Matupi sakhan lei ah thazaang an chap. Hi konghe pehtlaiin khuami pakhat nih chimmi cu zan suimilam hleikhat hnu ah ralhrang hna cu Matupi CDF sakhan an luh hnawhmi lei ah an kal an kir tibantukin an i chok tiah a chim.
Zan khuadei i hngilh kho loin kan um. Ralhrang lei a thimi an tam caah an hawi le mithi ruak le hliamtuar mi an lak bia hna maw asi hnga. Asiloah thazaang an chap mi dah a si hnga theih a si lo tiah a chimchap; Hi sakhan kahdohnak ah CDF Matupi ralkap pakhat a nunnak a liammi konghe pehtlaiin CDF Matupi lei zong nih an ngaihchiatnak an langhter.
Thawngpang dang. CDF Caah thlacam bawm rih hna usih. Ralhrang kawlralkap he a pehpeh in an i kap thluahmah. Tuzing zongah ralhrang le CDF an i kap rih. Mindat le Matupi lampi ah ralhrang kawlralkap le CDF ralkap hna cu biatak tein tuzing ah an i kap rih. An i kahnak caan hi April ni 30 in a si cang.
Matupi in mindat lei ah ralhrang kawlralkap hna cu motor tam ngai in an kal hna. Hi konghe pehtlaiin Mindat CDF hruaitu pakhat nih a chimmi cu tuzing ah ralhrang kawlralkap minung panga an thi. Cu ralhrang kawlralkap lei in hliam tuar tampi an um tiah a chim pin ah ralhrang hnulei in kah an si tiah a langhter.
Nizan May nikhat zongah an i kap i, tihni April ni 30 zongah an i kap. Apehpeh in i kahnak a chuak. Ralhrang kawlralkap lei in a thimi zat hi fiang in theih a si rih lo nain a thimi cu tampi an um tiah an langhter. Matupi in ralhrang an chuah in an kah hna i a tu hi Mindat le Matupi karlak ah biatak tein an i kap tiah theih asi.
Leave a Reply