Chinmi vialte hna nih thaazaang pecio hna usih. Chin Brother hi miphun le ram caah biatak tein ngaihchiah chawva in aa kan dirkamh tu an si. Chin Brother hi USA, Indiana ah Chinmi lak ahcun Restaurent a tuah hmasa bik mi an si. Hmanthlak langhtermi hi tuzing an cawlcangh ning a si.
Chin Brother hi kan miphun rianttuannak caah biatak tein thaazaang a chuah mi le a lamkip in Chin miphun caah chawva zong in aa kan dirhkamh taktak mi an si. Indiana a um mi Chinmi or Laimi hna nih fuhpanh i zuam cio hna usih. Ram le miphun caah Bawipa nih a thluachuah hrawmh zungzal ko hna seh.
Saya Tluang cabia. Thluachuah Kan Zaamtaak Awk Asi Lo. Chinmi zapi nih kan intuar ciomi, pitar, putar le nunau hna hmanh nih an intuarciomi ingve hna hlah seh, tuar ve hna hlah tiin, ramchung, ramleng mahzawn lawng ruatthiam pawl nih khua nan khaan riangmang i, ral an phak bal lonak, khuate a himnak hmun i a ummi nan mino hna cu, Malaysia lei le Mizoram le Delhi lei hna ah nan zaamter hna!
Zaam hna hlah seh, khuate lei ah khan, lo thlo ve hna seh, lei rak thuang ve hna seh, mipi caah a herh mi rian paoh rak țuan ve hna seh. Asilo ah, Bible rel le thlacamnak in caan rak hmang hna seh. Atu kan Miphun nih kan tonmi harsatnak hna hi, khel khat lei cun, BAWIPA nih Training a kan pek a si. Caansau kan kal ti lai lo.
Chinmi lak ah a țhawng cemcem mino hna nih, BAWIPA nih Training a pek hnanak Chinram nan zaamter hna i an zaamtak ahcun, BAWIPA le an Thluachuah an zaam tak tinak a si. An lam a tluanghlei lai lo. Pitar putar le nunau vialte hna cu anmah um in um ko hna seh, anmah tuarin tuar ko hna seh, tiin mah Miphun harsatnak zaamtaak awkah khuakhannak hi fih a nung tukmi khuakhaannak a si. KHRIH Lamkaltu Tluang Lian (Martar)
Leave a Reply