CHIN NATIONAL FRONT ZUNGPI AH A VOIKHATNAK AN TUAH

Thawng bultan: Chin National Front (CNF) Headquarter ah a voikhatnak bik Nu pawl kong he pehtlai in biaruahnak cu May 12 ah an tuah tiah Chinland information Center (CIC) nih a langhter.Cu tonbiaruahnak ahcun, CNF lei in nu kong he pehtlai in rianngeitu pawl le Chinland chungah a ummi khuate nubu phu chung in palai 20 le

CNA ralkap nu 16 telh in reserve chungtel pawl an kai kho i Myanmar ramchung nu pawl nih ton a simi harnak pawl, thinlung lei hramhram thiltuahnak an tonmi, taksa lei hramhram thiltuahnak an tonnmi pawl le hmailei ah zeitindah kar kan hlan lai timi kong pawl ceihhmainak an ngei tiah theih a si. Credit: TCP

Cabiadang. Samaria Khua Bantuk In Luatnak.Siria ral ruangah, Samaria khuachung ah mangțaam a rak fahtuk caah an fale sa tiang an rak ei! Kha lio bantuk kha kan si ve pah ko cang! Nihin ah nangmah fa kan ei lai i, thaizing ah keimah fa, tiin, pakhat deuh fa cu an chuan i an ei! A thaizing ahcun a fa cu a siang nemmam ti lo i an buai.

Kan luatnak caah an nih fale cu kan sian hna i an nunnak tiang an pek cang! Sihmanhselaw, kannih fale tucu kan siang ti hna lo i kan zaam ter cang hna caah kan buai ve cang!Sihmanhselaw, Samaria khua ah profet Elisha a um peng ve caah, BAWIPA nih a profet le Samaria khuami hna intuarnak cu a theihpiak hna i chikhatteah luatnak nganpi an rak hmuh!

Kha bantuk khan, nan i ruahning lopi khin teinak le luatnak nganpi cu a ra te ko lai.Samaria khua luatnak hram cu hriamnam țhațha a si lo. “Thih le thih,” tiin, thinghmui pali hna an kal thawng men kha a si ko! Nannih nih, teinak cu a hla ngai rih tiah nan ruah. Sihmanhselaw, teinak ni cu lamnai ah ka ratpi cang, a hla hrimhrim ti lo. Ka teinak ni cu a rau ti lai lo (Isaiah 46:12-13).KHRIH lamkaltu, Tluang Lian (Martar)