Chin ramkulh tanghra result a chuak. Zatuak 26.78 an awng. Kum 2022 Chin ramkulh tanghra result cu tuni June ni 17 zingka ah a chuak i, zatuak 26.78 an awng. Chin ramkulh ah tanghra exam a tuah mi hi minung thonghnih le zahnih le sawmnga kua 2259 an si i, minung 605 an awng tiah an langhter.
Kum 2022 tanghra exam cu March 31 in April ni 9 tiang rak tuah a si. Chin ramkulh chungah peng pakua ah exam an tuah i an tuahnak hmun le hma cu Falam Tedim le Matupi le Paletwa Cun Tonzaang hna ah tuah a si. Tanghra exam tuah lonak cu Hakha Thantlang le Mindat, Kanpetlet an si.
Cabia dang. Lairam Ka Va Tlawn Hnu In CDFs/CNA Kong Tial Le Comment Kai Sum, Ka Hrial. Kan tialmi tlangkhat le kan chimmi kakhat nih minung pumpak pakhat zong a hrawhkhawh bang, bupi tiang a hnursuan khawh. Ka theih komi zong chim kai sum. Ka tialmi tlangkhat te nih, kan nusal pasal tha hna an ngaihchiatnak le an hnabei donghnak asi lai ti ka phang.
Ka hngalh komi zong tial kai sum.Social media le a langin rak cuanhmi le a tak a hmun (ground) i thil sining a rak idan zia, raltuk timi tih a nun le mi caah chim, mi va forh te hna a fawi zia a ka fianter. Mikut in rultlaih kan lo sual lai tiah, kai sum. Micheukhat thil kan theih huahalo buin kan hei ithlak huam ning, kan i ceihcumning,
Negative catial le comment kan huamning hna zoh ah; nih hna kan chuak pah, tahha hna a mang, zangfaak hna kan si pah. An mawhlo. Khi hna pawl va leh len kai sum.Nunnak a thaapmi le a taak in a tuanmi hna thazaang kan pek khawh hnalo tal ah, daite in um hi a tha. Kan theih kan fianlo tikah, isum khawh hi a rak tha bak fawn. Credit: Salai Ram Tin Thei
Leave a Reply