Bawipa Nih Arak Chim Cang. Arak Ruahcia Diam Cang: 1. Israel miphun hna kum 400 sal an tan ding cu, Abraham sinah BAWIPA nih a rak chim cang (Gen 15:13)! A rak ruah diam cang bantukin, Israel miphun hna saltan ding cu ahohmanh nih kham khawh a si lo!Cubantuk thiamthiam cun kum 400 hnu i an luatte ding zong, BAWIPA nih a rak chim, a rak ruah diam cang bantukin, ahohmanh nih khamh khawh loin Izipt sal antannak in chuahpi le luatpi an si!
Pahnihnak. Juda mi hna kum 70 saltan ding zong, BAWIPA nih, profet Jeremiah hmangin a rak chim cang (Jer 25:11)! A rak ruah cang bantukin, ahohmanh nih an khamh kho lo!Cubantuk thiamthiam cun, kum 70 hnu i an luatte ding zong, BAWIPA nih a rak chim, a rak ruah diam cang! Cucaah, kum 70 hnucun, BAWIPA nih, Persia Siangpahrang Sairas thinlung/thlarau cu a hninh, a thawhter i Juda mi hna sal luatnak cu a thanh (Ezra 1:1-4)!
Cucaah, BAWIPA nih luat dingin a hruaimi kum 400 saltang Israel miphun hna cu, Izipt siangpahrang Faroa țhawnnak nih a rak kham kho hna lo i, kum 70 Babilon saltang Juda/Israel miphun hna zong Babilon siangpahrang Nebukhadnezzar țhawnnak nih rak tlai kho hna lo.
Pathumnak. Chin Miphun zong, “Nihmahnung bik, atu chan caah, a rianțuantu ding caah, BAWIPA thimmi Miphun kan si!” Cucaah, BAWIPA PATHIAN nih kan Miphun kong hi a rak chim cang i a rak ruah diam cang!Miphun dang rialdiip nak tangah kum 70 renglo kan intuarnak cangnak le nihin i kan intuarnak vialte hi a theih dih! Chin Miphun a kan dohtu khuachia cu tei a si lainak le THIANG THLARAU Țhanghnak nganpi pek kan si lainak le Josep le David bantukin Thluachuah a kan pek lainak zong a chim cang i a rak ruah diam cang!!! Haleluia! Amen!
Cucaah, Moses, Joshua le Ezra, Nehemiah hna kha zeitindah an rak um. BAWIPA nih luatnak covo pek a timhpiakmi hna co awk le PATHIAN thimmi miphun hruai awkah, an i pumpe i an nunnak an thap. Thla an cam, sual an phuan, BAWIPA bia ningin kal an i zuam. BAWIPA an i bochan i dawntu a simi an ral paoh an țih hna lo.
BAWIPA nih a rianțuantu-ah a thimmi Miphun hna a hruaitu ding hna cu BAWIPA nih THIANG THLARAU a toih hna i PATHIAN a țihmi an si hrimhrim lai. Hihin, Chin Miphun caah hruaitu a si ding taktak hna cu nan thleidan khawh ko hna lai. BAWIPA Vel le Daihnak nan cungah um ko seh. KHRIH sal, Tluang Lian (Martar)
Thawngpang dang. SAC nih uknak a lak kum khat leeng chung ah mipi 5600 leeng nunnak liam.Myanmar ram chung ah SAC ralkap nih uknak a lak kum khat leeng chung ah mipi lei in minung 5645 nunnak a liam tiah ISP Myanmar nih May 12 ah a thanh. ISP Myanmar nih cathanh a chuah mi chung ah, Mipi minung 5645 nunnak a liam mi hna hi
2021 February 1 in 2022 May 10 tiang lamzawh ruang ah kah a tong mi, tlaihkhih hnu ah meithal in kah a tongmi, thawng na thanh hna tiah thah a tongmi le kahdohnak ruang ah nunnak liammi an si,” tiah aa tial. Cun, lamzawh ruang ah nunnak liammi le tlaih hnu ah nunnak liammi dihlak hi minung 1831 a si i hi chung ah Sagaing Ramthen chung lawng in minung 599 an si. CCNC
Leave a Reply