Ngaihchiatnak thawng: Henry Van Ṭhio nupi Dr. Anna Sui Hluan a hringtu a pa, Chinmi hna hi kan pa pakhat a simi Rev. Dr. Ral Buai nih mual a kan liam taak ruangmang cang ee. Atu bantukin kan pa pakhat nih mual a kan liam taak cu sian a um hrimhrim lo.
Hi kongah Rev.Thawng Ṭha Thang nih a mah pumpak facebook ah tarlanghmi cu “Chin mi hna i kan pa Rev. Dr. Ral Buai nih tunai te ah kan sian lo tuk buin mual a kan liamtak. Tantakmi chungkhar, Khrihfabu le dawtu hna caah thla campiak cio hna u sih. Vanram nuam ah a kan dintak chung cang!” tiah a ngaihchiatnak kong a tarlang ve.
Rev. Dr. Ral Bual hi Myanmar Ram (UPC) Founder a si. Amah hi kum hramthok ahkhan a hung dam lo i amah a zohkhenhtu Dr. Wutt nih a rak chimmi cu, biopsy result chung ah apawpi chung in an hmuh mi cancer nak in Colon (အူမကြီး) ah an hmuh mi cancer hi a zual deuh i hlai (operation) tuah zawk a hau ko a ti caah Operation an rak tuah cangmi a si.Asinain, tuar kho loin a tu bantukin mual a kan liam taak hi a si. Tantaakmi chungkhar Bawipa nih an ngaihchiatnak hnem hram ko hna seh law.
Thawngpang dang. Mindat ah a ummi ralhrang kawlralkap hna cu Kyaukhtu ah kir hram an thok cang. Chinram kulh Mindat khuapi ah a ummi ralhrang kawlralkap 274 battalion chung in ralhrang kawlralkap hna cu motor 60 renglo le raltuknak tank pahnih he tuzing ah Mindat an chuahtak cang tiah theih asi.
Ralhrang kawlralkap aa thawhmi hna cu tuzing suimilam 10 Pakuku ah an kal lai tiah theih a si. Hi ralhrang kawlrlakapo hna hi February thla khan Pakoku in Matupi lei ah ei le din a rak phurmi an si i, thlakhat hrawng Matupi ah an um. Cun April thla ah Matupi in mindat lei ah an kal i, ni 18 a rauh hnu ah Mindat an phan. Ralhrang motor an chuak cang.
Leave a Reply