April 27 Vaupi Ah Chinmi Pahnih Ralhrang Kut In An Nunnak Liam. Lawngtlai 28 Vaupi 2022 : Kalay peng Thohcian khua pawng ah nizaan 27 Vaupi zaanlei suimilam 2:00pm hrawng ah Pu Thang Cin Suam ( kum 39 hrawng) cu ralhrang nih meithal in an kah i a nunnak a liam tiah theih a si. Nunnak liammi hi Chin ramkulh, Tonzang peng Khuadar khuami a si.
27 Vaupi zaan suimilam 7:30pm hrawng ah Chin ramkulh, Tedim khua, khualai veng le Luaibual veng ah meithal puah thawng theih a si hnu ah, Khai Lian Muang ( kum 17 hrawng) cu meithal kuan nih a hliam i a nunnak a liam tiah theih a si. Credit: The Lairam Times
RelchapTedim khuapi ah Ko Khai Lian Muang cu meithal kuan nih a khen caah a nunnak a liam. Nizan April ni 27 zanlei suimilam pasarih le cheuh ah Myoma sang le Luaibual sangah meithal thawng theih a si tiah khuami nih an chim. Meithal an kahmi nih Skat motor motor kum 17 asimi Ko Khai Lian Muang cu a khenh i a thi.
Ko Khai Lian Muang ruak zong chungkhar nih an la kho rih lo tiah theih a si. Hi konghe pehtlaiin khuami pakhat nih a chimmi cu amah hi Skat motor a mongmi a si, khuachung ah thilri a chan i, akir lei ah a motor a rawk i cycle in a ra. Arak lawi caan hi nazi pakua hrawng asi.
Khuapi a luh ralhrang nih an check hlat an timh i, a tih hna caah rianrang in a tli. A tlik lio ah a hnu lei in meithal in an kah. A ruak zong khoika an chiah timi theih a si lo tiah a chim. Cun suimilam pahra hrawngah meithal thawng le puahkehnak thawngtheih asi tiah an chim.
Leave a Reply