CHINMI VIALTE CAAH THAWNGPANG CHIA TAKTAK A CHUAK HOI

Hualngoram Peoples Organization/ CDF Hualngoram cathanh cu a mak ngai. HPO/CDF Hualngoram nih Joint Meeting biachahnak tuahmi thanhnak an tuahmi cu HPO Hqrs, HPO Sub-Hqrs le CDF Hualngoram Joint meeting ah lungrual tein a tanglei bantukin biachahnak tuah a si. Pakhatnak. HPO/CDF Hualngoram bylaw le biachahnak tuahmi zeirel loin Mountain Eagle Defense Force aa timi hna nih,

Tio/Khuamawi kualu ah a ummi ralhrang kawlralkap camp ah drone hmangin bomb an thlak lengmang tawn ruangah mipi thinphang in an ummi hi a poituk kan ti. Mah an tuahmi lawng i lungsi loin phu dang Zonland, CDM-Siyin le CNDF hna sawm in August ni 10 zingah ralhrang camp lak dingin kah loin an va kah chih rih hna caah khuami pakhat a nunnak liam.

Culawng siloin hliamtuar hna zong an rih. Cun khuami umnak inn zong inn nganak tam a hrawh rih. Hi thilcang hi a poituk hringhran. New Haimual khua ah a ummi Mountain Eagl Defense Force aa timi hna cawlcanghnak hi sual kan phawt ngaingai hna. Pahnihnak. August ni 6 ah kan cathanh Letter no 009/hpopub/22 bantukin HPO/CDF Hualngoram theihpinak le hnatlaknak tel loin,

Mipi khuatlawng ei le din kawlnak buaiter in lamphih le mipi thinphang phun in cawlcanghnak tuahmi an um a si ahcun zeibantuk phu zong si hna seh, ralkap thawnnak hmang in lehrulh cham an si lai i, an cungah zeipaoh tlung seh, an mah zuamcawhnak ruang taktak ah a si lai tiah cathanh an chuah.