CNDF pawl camp kan va leng.Tulio kan ram chung hmunkip kal tik ah kan ihal mi le kan biaruah mi hi ral kong deuh peng asi. Atawinak in chim ah cun CNA le CJDC ralkap pawl he iton poh ah cun ral voizeizah dah nang na tuk cang ti hrawng he ai pehtlai mi biaruah deuh khi atam.CNDF ralkap pawl he bia kan iruah mi ah phungdang deuh ngai asi mi thawngpang cu;
Ralhrang athi mi or hma apu mi hna lak ah hin nu an itel lengmang theu an ti. An nupi le maw an si hnga, asi lo ah ralhrang nu pawl maw an si hnga? asi lo ah ralhrang pawl tuamhlawm tu ah nu an iphurh mi maw an si hnga ti kha afiang lo.Bialak ah; CJDC pawl camp vialte lak ah CNDF pawl hi an buk athianghlim cem. Duhnung te in an tuah. Pangpar tete zong an cin hna. An buk va len ah tha anuam ngai.
Pumpek in a hmun ah ralhrang a do taktak mi le Chin miphun nunnak pek in a rungveng tu hna thin lung hi a thiang hlim ngai ko. A lenglei in zei ngaingai a tuah tung lo mi pawl tu hi kan ruahnak le kan bia le kan hla hna hi ralring deuh le dawhcah deuh in chimrel khawh izuam hna usi law a tha hnga.Kan zapi te in ralkap kan si, kan zapi te in mipi kan si. Credit: Chak Um Pa
Thawngpang dang. Mah thawngpang hi kan Unau Mizoram chungah a cangmi thil a si. Ka nau tuarnak in keimah nih tuar ko ning. Khuai seh ruangah a tuhi zohkhanh cuahmah an si. Nizan tihni July ni 27 ah unau pali hna cu an inn pawng an um lio ah Khuai an rak zuang. An upa bik changtu a hnakhaw pawngah khuai cu a rak zuang i, a bengh. Cu hnu ah khuai nih cun an vun zuan hnawh lulh.
An upa bik nih a nau cu khuai nih an sehtuk sual lai ti a phan caah a nau cu a kuh chih i, an upa tucu khuainih an seh. A u nih a kuhchih ruangah a nau cu khuai sehnak in tlawmpal a him deuh. Asinain an pahnih in khuai nih cun an seh ngaingai hna i, a tu hi zohkhanh cuahmah an si.
Adang minung pahnih tucu tlawmpal an i ning ngaingai ti a si. Asinain minung pahnih tucu a tuhi khuai nih a sehnak hna a fak ngaingai. An upa bik nih a chimmi cu kanau thihnak cun keimah ka thi ko lai tiah a ti, A nau a chanhnak ah a mah lila fak ngaiin khuaiseh a tuar. Amah hi kum hra hrawng hngakchia a si i. A ralthat in upat a phutuk ka ti caah ka vun post mi a si. Nute hi hngakchiabik changtu a si i, pate hi upa bik a si.Credit: News Lawrkhawm.
Leave a Reply