Kan Dothlannak Hmuh Ning Tawi. Pakhatnak. Falam khua i CNA nih police an kahmi kongah CNA sual phawtnak cathanh an chuahmi le kan ram ah nanmah thu in nan luh rih asi ahcun aherh ning in hma lak ding, timi cachuah faktuk ah ruah ding a si lem lo ka ti. Cun Falam e, Hakha e, CNA e, CNDF e, tiin a herh lo tiang an chimmi a tam ngai i, poi ngai ka ti.
Hi cathanh hi Falam pumpi lungtlinmi asi hrimhrim lai lo. Cucaah Falam miphun huapter lo a tha, hmunkip comments zong ka zoh ah a lungtling lomi an tamtuk. Tulio dothlenlio ahcun a herh lo tiang holh tuk le chim tuk hi a poi lehlam khawh caah i a herh lo tiang in kawrh le holh tamtuk hi a tha lo.
Pahnihnak. Ralhrang hi tam an tang tilo ralkap kan ti cu a minung hman a thiam hna caah a si timi cu a fiangtuk ko hmunkip ralkap milu le cawlcangh ning zoh ah.Vanlawng zong hi a hman cawk lai lo, a ruang cu vanlawng in voikhat raltuk ahkhin $ million tamtuk a dih, a hriamnam phurhmi khi million tamtuk man asi.
Ralhrang cu chim lo tulio Russia hmanh nih vanlawng a duhduh in a hmang kho ti lo, MAH ralhrang chinchin caah voitam a hmang kho lai lo. Kan tei hrimhrim lai, vanlawng lawng in ral tei khawh a si lo ka ti cang kha mu khua tuan lio piin.
Pathumnak. MAH kan teihnu ahhin kanmah le kanmah kan i kap dih te lai tulio kan dirhmun zoh ahhin, kan ti tawnmi zong hi a si lo ka ti kei cu. CNA he or Chin miphun fonh in tan a duh lomi pengtlang hriamtlai phu fa tete khi sau a awk kho ding phun an si lo.
A ruang cu ral kan tei hnu ah hriamnam in kan pengtlang nan ven lai ti tikah buainak fa tete cu an chuahpi te lai, cutikah thisen chuahnak voihnih khat a tlun tikah ramchung ramleng nih biatak tein a kong ceih asi te lai, cutikah hitluk 100% nih MAH doh kan support lio ah 50% tluk lawng nih an support, tulio hmanh ah cuzah lawng support ti a ngeimi nih cun a celh te lai lo.
Mipi nih raldoh an duhti lai lo, a bikin mah le mah i kah cu kaphnih in an duh naisai lai lo, cutikah aho deuh dah hrimnam chia deuh ding an si, timi cu caan nih bia a chim ko lai. Cu a duh lomi pakhat hnih khi an um te lai i a donghnak ahcun damiah ah ai cang ding men khi an si te ko lai.
ZRA belte hi an har pah lai, asinain thazaang zeihmanh ngei lo a si, a min lawng an si caah tih awk cun an um lem lo. A dang pengtlang hriamnam phụ tete khi cu va nawlpat le va lem zong an herh ah ka ruat lem hna lo kei cu. Credit: Chelsea Bawi.
Leave a Reply