Chin National Army Lieutenant Colonel Lal Bik le Chinland Information biaruahnak (Muicawl). Lieutenant Colonel Lal Bik hi Miphun ngan uknak, ram pakhat lawng umnak le hramhram uknak hrawh cikcek in Chinland le Chin miphun nih kanmah tein khuakhan lairelnak a ummi Federal Democracy ram ser khawhnak ding caah 2011 April 15 in CNA a lut.
2011 June 6 thok in Defense Service Acedemy (Kachin) ah training a kai i 2013 March 13 ah tlamtling tein training a lim.Lieutenant Colonel Lal Bik cu SAC ralkap pawl nih ramri an rak lonh fatin amah pumpak in ralram ah miphun hriamtlai pawl a hruaitu a si. Ṭih timi hi a Dictionary ah a um lomi a si. Lieutenant Colonel Lal Bik hi CNA General Staff Officer-1 a ṭuan cuahmah liopi a si. Video in a chimmi hika ah voikhat hmat law na zoh khawh lai
Adang thawngpang. Sa Lin Kyi Palik Sakhan Kahdohnak Ah SAC Ralkap 5 Nak Tlawm Lo An Thi. Sa Lin Kyi khua palik sakhan cu nihin June 23 zing sml 2:30 hrawng ah PDF Guerrilla phu nih 120 mm lung 11 in kan kah hna caah an sakhan champheo a cim i, SAC ralkap 5 nak tlawm lo an thi, tam ngai hliamhma an pu, tiah PDF Guerrilla phu nih cathanh an chuah.
Cu palik sakhan kahdohnak ah PDF Guerrilla, Companny 2 le 4 i bawm in kan kah hna. Kanmah lei in a thimi le aa hliammi an um lo, tiah an langhter. Nizan June 22 ah Sa Lin Kyi, Moe Kyu Pin khua a khaangtu SAC ralkap pawl cu, Salingyi Border Task Force ၊ Brother Defense Force le SaLinKyi PDF nih 60mn, 80 mm le 120 mm in kan kah hna, tiah Salingyi Border Task Force – SBTF nih cathanh an chuah. Credit: The Chin Post.
Leave a Reply