CNA ,Raltuk ah Aa tal nak poh ah cun’ Ralhrang an hrum thawng a thang deuh ngai2 ko hi, CDF cheukhat hna hi ram nan dawt tak2 I ram caah nan nun nan pek Sian takè ko ah cun’ CNA nawlpek nak tein ral doh khawh I zuam cang uh law.kan thawng tuk kanmah tein zeipoh Kan ti kho tiphun in um hlah uh,CDF hi ral doh ah nan hem tuk ko nain nan pengtlang lawng ah raldoh hlah uh law nan thawng chin2 Lai.
Kan nih Chin miphun cu kan mah le kan mah kan I thangthat duh tawn lo.CNA hi Tlang cung hriam tlai dang si hna seh law Chin Mipi nih heh tiah kan thangthat fawn hna Lai cu.CNA kumkhat chung te biatak deuh in kan van bomh hna hmanh ah an thangcho ning hi,van tuak ciao hmanh uh, Cu hlan kan rak bomh mi hna cu. CNA kan ralkap ei le din khim hmanh a rak si tawn lo.
Cheu khat nih thilthei ngai phun in CNA/F an that nak tam pi lak ah an chat nak pahnih khat te I lak riangmang in kan sawisel tawn hna..Chin mi cu hi ti kan si ruang ah dawh hi ceu hi kan si ko .,Miphun dang uar tuk hlah mah miphun te uar khawh le dawt khawh I zuam cang ko hna u sih. Credit: Lian Bawi
Cabia dang. Kahdaihnak a um hnu ah Democracy, Feferal rampi a um ding hi kan saduhthah a si. Kahdaihnak timi a ttha bik mi a si.Asinain atu i Min Aung Hlaing sawmnak cu ka zum kho hrimhrim lo. Zeiruangah ti ahcun thinlung thiang a ngaih lomi hmuh ding a um fiang ruangah a si. Atu hi Min Aung Hlaing nih kan rampi cu lam pathum in a kalpi. Pakhatnak cu Control a si. Yangon, Mandalay, Naypyidaw tibantuk cu ralkap le palik tampi he control in an kalpi.
Pahnihnak cu Contain a si. Tlangcung hriamtlai pawl cu remdaihnak kan tuah lai tiah a lem hna. An mah kap lo dingin contain a tuah. Pathumnak cu Crush a tuah, a rial dih, a kah dih. Sagaing ah, Chinram ah, Kachin ah kahdohnak a tuah i Inn lo an khangh dih. Inn an khanghmi hi 9000 a um. An kahthah mi hi 2000 leng an si cang. Mah tiin lam pathum in a kalpi. Hiti a kalpi mi lio ah remdaihnak kan tuah lai a timi cu akalh dih mi a si.
Ruahlopi in remdaihnak kan tuah lai a tinak a ruang phunthum in ka hmuh. Pakhatnak cu Kachin, Karen tiabantuk tlangcung hriamtlai pawl cu CNF telh in PDF, CDF hrambunhnak bik a si. Hi hna he remdaihnak kan tuah lai a tinak a ruang cu PDF, CDF pawl an thazaang thawng hlah seh a tinak asi. Pahnihnak cu a tu hi hmainor an timh cang. Remdaihnak tuah dingin ka sawm hna nain an ra duh lo. Remdaihnak an duh lo.
Cucaah ka kah mi hna asi tiah silhnalh lam a kawl. Pathumnak cu vawleipi hmai ah keimah MAH le SAC cozah cu remdaihnak a duh taktak kan si.Remdaihnak tuah dingin keimah bak nih cabuai ah thutti dingin ka sawm tiah vawlei mipi hmuhter a duh ruangah a si. Cucaah remdaihnak a timi cu sullam zeihmanh a ngei lo. Cun KNU, KIA tibantuk hna cu a tutiang ah kal an tim lo. Kan kal lai a timi hna cu RCSS, PNLO tibantuk buu hmetete lawng an si i, remdaihnak an timi cu sullam zeihmanh a ngei lo taktak mi a si tiah Dr. Rodinga nih RPV he biaruahnak ah a chim.
Leave a Reply