A luancia January 10 le 11 ah CNF Headquarters, Camp Victoria cu SAC nih vanlei in bom a thlak lio ah khan India ram chung ah bom lung 2 a tlak leng ah India ramri chung ah SAC kahdohnak vanlawng ramri lonh in a zuannak thilsinning kha CNF/A thiamsang pawl nih hmanthlak an langhter.
Hi hmanthlak chung ah India ramri lei ah a tla mi bom ruang ah a pawngkam mawṭaw telh in mipi umkalnak pawng thingkung hna a kiahnak hmunhma, bom a puah ningcang, kahdohnak vanlawng phun hna kha hmanthlak in an langhter.
Cu thilsinning pawl charhchan in SAC nih a nganh mi target hi Victoria sakhaan i thilṭhitnak zung a si kho men tiah CNF/A thiamsang pawl nih an ruahdamh tiah Chin Information Center nih a thanh.
Relchap.Mipi sin theihternak. Mipi nih dothlennak tuah mi Pau dothlennak pi cu duhsah in caan a rau chin lengmang bangin kan khua kan ramah thatlonak thil phunkip a karh chin lengmang. Cu ve bantuk in kan Senthang ram chung zongah theihhngalh lo minung nih mi velh in phaisa chuh tibantuk thawngpang theih a si cang.
Cucaah Senthang ramchung um khua nu/pa le mipi hna zong ralring tein um hna uh sih. Mipi nih kan tuah ding mi: Kan khua kan ramah kan theih bal lo mi le lunghrinh kan ngaih mi hna an um ( an rak phan ) a si ahcun a nai biknak rian ngeitu hna sinah thawng nan kan thanh nak lai kan in theihter hna. Phone. 09883210314. CDF Senthang
Leave a Reply