Chin ralkap CNDF sin ah a rak lutmi ralhrang kawlralkap pakhat cu CNDF nih tangka ting 50 an pek. Ralhrang kawlralkap pakhat cu a hriamnam he CNDF ralkap sin ah a rak lut. CNDF sin ah a rak lutmi ralhrang pakhat hi Htet Myat Aung a si. CNDF nih laksawngah ting 50 an pek.
Tutan ah CNDF sin ah a rak lutmi ralkap Htet Myat Aung hi April ni 18 ah a lut. Amah hi Chinram Falam khuapi ah a ummi ralhrang kawlralkap Khahlahyah 268 chung ah a ummi a si. Hi konghe pehtlaiin CNDF nih an langhtermi cu kan biakam bantuk in hriamnam he kan sin ah a rak lutmi ralkap hna cu ting 50 kan pek tiah an chim.
CNDF nih tutan ah ralhrang kawlralkap pakhat CNDF sin ah a rak lutmi laksawng peknak program cu CNDF ralbawi nih caan a hman tiah theih a si. Theihcio bantukin CNDF cu Chinram, Falam peng le Kalay-Kabaw lei ah ralhrang kawlralkap doh in biatak tein cawlcanghnak a tuahtu miphun ralkap an si.
Thawngpang dang. SAC ralkap nih an tlaihmi Dark Shadow chungtel 14 an nunnak a liam cang. SAC ralkap nih an tlaihmi Dark Shadow chungtel 14 cu an nunnak a liam dih cang tiah MSI Youth Defense Force nih a thanh.SAC ralkap nih April 27 ah Kyeemyindaing khatlei ral, Alatchaung khua ah Dark Shadow chungtel mino pawl an luhhnawh hna i an tlaih hna.
Cu lioah, mino pakhat cu a hmunhma ah an kah i a thi beh, a dang tlaih a tongmi pawl zong biahalnak sakhaan ah an nunnak a liam beh i an ruak hmanh kan ngah ṭhan lo tiah Dark Shawdow chungtel he aa naihniammi nih a chim tiah MSI Youth Defense Force nih April 29 ah a thanh.TCP
Leave a Reply