CNDF ZONG NIH CJDC ZULHPHUNG AN RAK ZUL VE LO

CJDC nih ralhrang tender ttuan lo dingin statement a rak chuah nain 10% laak in companies pawl ralhrang tender nan ttuanter hna pinah hriamtlai upa pumpak tiangin tender ah nan i tel. CJDC nih tender ttuan loding cathanh a chuahmi cu nan zul duh lo nain tutan Falam um ralhrang palek kahnak ah CJDC cathanh cu nan hun char hoi.

Duhnak zawn poh laak i, mah caah/pumpak hlawknak vial ah CJDC nih a khammi le cathanh zeiah rel fawn ttung lo,mah hi CJDC serhsat le zeirel lo zong a si. 2+2= 3 ti phun hna kan lo sual lai hih.Mah hna hun ruah tikah ralhrang biatak in doh nan i tim tak maw, a min in hriamtlaiphu dir peng ve i,

Min Aung Hlaing or USDP nih kahdaihnak, cabuaicung biaruahnak a tuah tikah peng palai in va luh timh men tiang ruah chih in a dirmi hna kan si sual tak ko maw tihi ruah awk a hun um ngai.

Note: Mah ka tialnak a ruang cu,comments le msg ah cakuat ka don pah caah, hnakruh chun menmen te tiang ka hun langhternak a si.A her cun luki kai le luki hnin dih tiangin langhter te ding,peng huatnak aa tel lo, thil sining diktu langhter mi a si. Credit: Salai Williams Hlawnceu

Relchap. Falam khuachung ralhrang palik CNA nih an kah hna ruangah buainak a chuakmi konghe pehtlaiin bochanmi kanpa Dr. Hre Mang zong aa sum kho ve ti lo. Fiang ko in a chim cang. Hi konghe pehtlaiin Dr. Hre Mang nih a timi cu tulio dirhmun ah Chin miphun tangrual khawh loin mah le mah i dohkalh asi ahcun Kawlralkap uk tawk men kan si rih tinak a si tiah a chim.

Theihcio bantukin January ni 18 zanlei suimilam pathum hrawngah Falam khuachung ah a ummi ralhrang palik hna cu CNA ralkap nih an kah hna i, ralhrang palik pakhat a nunnak a liam pin ah a dang minung 4 hliam an tuar. I kahdohnak ah sianginn a kai liomi pakhat hliam a tuar. Ralhrang nih khuami minung 30 an tlaih hna.

Falam khuachung ralhrang palik CNA nih an kah hna ruangah CNO/CNDF lei nih kanmah theihternak tuah hmasa loin nan kah hna, Hi hnu hibantuk a um rih asi ahcun a harh ning in lehrulhnak kan tuah lai tiah cathanh an chuah. Mah cathanh an chuah ruangah tulio a vun buai ngainak a si.

Hi bantukin thil a vun um tikah a cunglei langhter bantukin Chinmi nih kan i bochanmi Dr. Hre Mang nih Tuvek dinhmun ah Chin miphun tangrual thei loin mah le mak do awk rero asi ahcun Kawl Ralkap uk tawk fang kan si hrih tinak asi. tiah a vun langhter ve.