Chin National Organization AGS-2 Mai Olivia Yinhua Thawng Luai ih aanka. Mutual Respect le Lungrualnak. Zo kan si khal le, pengdang le mi khuasung ah kan caangvai ding a si ah cun a hmun i hriamkai ve tu kha theih ter/ lungkim awk nak lak ta a ttul ti kha CJDC ih danbu ah tla a um si ko lo maw?
Mi inn kan leng hman ah sangka kan king ta ttul vek in, an inn sung thilri duhduh in kan kai/ kan tham lo. Ram le Miphun humhimtu Ralkap a si mi nih cu ethical standard a neitu si ding hi a thupi tuk. Kawl ralhrang hman kan do neh thei hrih lo ih, kanmah Chin ralkap karlak ah thubuai suak ding cu zohman nih tuah lo seh la duh a um tuk rori.
Mimal hrekkhat ruang ah hnaihnok nak a suak ringring. Kannih cu do awk ding kan si lo, ttangtlang in fehtlang ding kan si. Lungrual te’n kan fehtlang thei nak ding ah cu Chin hriamkaibu karlak ih a um ttul mi “Mutual Respect” a si.
Cabia dang relchap. Kan miphun hawi ralzaam a thongsang nih India ramri ah sunghzatlak, thinphan dailo le ngaihchia in an i dil lio ah Rangoon khua ah phaisa vaibelhchia dih in thlacamnak inn thatha hna kan sa. Planing maktaduai hna kan suai. Lai crony pawl ciangzar he Rangoon ah Laihritlai hna nan hei normal tuk hna ning.
Upa hna hna, ruat tuah uh. Zeitindah miphun hmai na khah? Mah inn ahkhin kei cu ka miphun ca ah mitthli tla in thla ka cam ngam bal lailo. Chim ngamlo mi te seh ka van chim ta ve. Ka uam kho hin loh.
Leave a Reply