CUTLUK THAWNGPANG THAT CU THANGPI IN KUT BENG CIO HNA USIH

BREAKING NEWS. Kan ram le kan miphun a hrawk dih tu raalhraang le Min Aung Hlaing rawl ṭiṭawt ei ding a kawlmi a khu rual pawl doh nak ding ah a khua khua in US dollars millions 10 dengmang kan thawh cangmi hi cu lung a hmui bak ko. Laimi nih US dollars million kong hna cu kan mang hmanh ah kan rak manh khawh bal mi a si lo.

Kan thawngpang hi MAH sin ah hei theihter zokzok hna seh ti ka duh e. Tu zarh chung ah atang lei khua hna nih MAH raalhraang doh nak ding ah US dollars hi zah bak hi CBCUSA CDF Supporting Committee sin ah pek an timh ko. A mak in a mak. Nan um nak cio in kut rak beng uh. Hakha Khuahlun 329,000, Global Surgen 104,970, Global Aive 101,500, Global Thantlang tufa 230,000. Global Vanha 44,500. Global Pumlen 37,400. Laknak: Pu Vanceuuk Khenglawt

Thawngpang dang. Ramthlo pawngah SAC Ralhrang 11 an thah khawh tthan hna. July 10, Ramthlo khua pawng kahdohnak ah SAC ralhrang minung 11 an thi, tiah CNF chimnak nawlngei Salai Htet Ni nih Mizzima ah a fehter.Bomb in kan puah hnawhmi hna le meithal kan kahmi hna lak a thimi minung 11 hi kan fehter khawh. Bomb in cun voi tam ngai kan puah hna i a thimi zat ngaingai hi fian awk a har,” tiah Salai Htet Ni nih a chim.

July 10 Ramthlo khua kahdohnak ah hin CNA, CDF le CNDF lei in minung 4 hliam fak lo an pu ve hna.July 9 ah Thlanrawn le Taal karlak ah kahdohnak voi thum tiang a chuak i cu kahdohnak ah cun SAC ralhrang 21 an thi fawn. Atu tiang ah Falam-Hakha karlak ah a thimi SAC ralhrang 30 leng an si cang.

Bomb puah hnawhmi lak ah a dang a thimi zong an umk kho i, hinakhin a thimi an tam deuh kho, tiah Salai Htet Ni nih a chim chap.Nihin zong ah Ramthlo le Dothek karlak ah kahdohnak hmun hnih in a um tthan. Atu tiang i kahdohnak a dai rih lo. SAC ralhrang nih Falam lei miakpi in kah an bawmh len hna, tiah thawng kan theih.

Ramthlo pawng Kahdohnak ah CDF-Matupi Ralkap Pakhat nih Ram le Miphun ca ah Nunnak a Pek. Nihin July 11, Falam le Hakha karlak Ramthlo khua pawng kahdohnak ah CDF-Matupi ralkap Salai Alawng a nunnak a liam, tiah thawng kan theih. Kan miphun ralkap lei in a dang minung pakhat zong SAC ralhrang bomb nih a kee ah a hliamh. SAC ralhrang pawl cu hmainor kho lo, hnukir kho loin an um i atu zaan hi Ramthlo khua ah an riak. The Chin Journal.