Delhi dirhmun in kan ton sual khawh men te ding mi buainak. Nizaan ah kan mah Chin ralzam Chungkhar pakhat cu kan umnak sang Palik Sakhan ah inn ngeitu pa he tenant verification tuah ding in an kal. Palik Sakhan an phak ah Stay visa, Residential permit tbk (FRRO) na ngei maw tiah an hal. Ka ngeih ko nain Expired cang e tiah a chimh hna.
An mah India Cozah nih mithar FRRO registration an tuah ti lo leng ah renew an tuah ti lomi zong cu an theih ve ko. Cu tikah rent agreement le tenant verification kan in tuah piak kho lo an ti. Cu lawng si loin inn ngeitu vaipa lila zong cu ‘Hi bantuk Cozah nih umnak Nawl pek lomi minung hna hi na inn ah na um ter rih ko hna ahcun case kan i serpiak lai nangmah cungah mawhphorh nak a um kho an rak ti ve.
Cun “Atu Myanmar ralzam nan umnak sangkip ah door to door in kan rak vak te lai, Cozah nawlpeknak nan ngeih lo caah inn hlannak nawl le umnak nawl nan ngei lo kho men’ tiah an rak chimhchap hna.Viodang ah hi bantuk ngai ngai in police nih inn ngeitu tiang tlerh ngaingai cu a um rua lo,, pawngkam local mining hmurka tete a um pah tikah ruah ding a tam pah mi a lo ko. FRRO kong le Ralzam nih kan tuah ve ning, Zeitik in an kan phih, an kan phih mi asullam le zeidah cang kho timi tial ding a tam nain hi vial si rih seh. Credit: Salai Cung Dawt
Thawngpang dang. CNF/CNA Thithruainak in Cawlcangh ding in CDF-Zotung nih Bia an Chah. CNF/CNA tthithruainak in cawlcanghnak ngeih ding in CDF-Zotung Organization, Supreme Council nih biachahnak kan ngei, tiah nihin July 23 ah CDF-Zotung nih phungning in thawngthanhnak an tuah. Kan ralkap pawl CNA sin ah raldoh cawn ding in thlah i raldoh cawnnak tlamtling an ngeih hnu ah kanmah hmunram ah kir in rianttuan ding in CNA upa hna he hnatlaknak kan ngei,” tiah CDF-Zotung nih an langhter.
CNF cu nucan le pacan ralkap bu bantuk in bochan ding in ahramthok tein CDF-Zotung nih dirhmun kan rak ngeih cangmi zong a si, tiah an langhter chap. Atu bantuk in hnatlaknak an ngeih cang caah CDF-Zotung ralkap pawl hi CNA sin ah raldoh cawn ding in le CNA he hmun khat ah ramrian ttuan ding in thlah an si lai. Credit: The Chin Journal
Leave a Reply