CNF aiawh in United Nations Security Council Expert le Advisors pawl sin ah ka miphun nih tu lio kan tawn cuahmah mi kong biatawi chim ah New York cu ka rak phan. K3C kan ti tawn mi kan hawi le a tu lio ral aa tu cuahmah mi Kachin, Karen, Karenni (Kayah) in an hruaitu pawl le an upa pawl zong an rak raa cio ve.
CNF lei in siseh, CBCUSA lei in siseh, CHRO lei in siseh kan tawn cuahmah mi kong vialte tlamtling tak tak in information an ka pek caah tlamtling tak tak in kaa tim. Kan caah a herh mi le a biapi mi tlamtling in ka chimh khawh hna tiah ka ruah i kaa nuam. Kan hawi le K3 pawl zong an chim mi a ttha ngai. A phan mi pawl hi paza ngai experience tamngai a ngei mi lawngte an si.
UNSC Expert pawl zong cu kan caah siaherh nak a ngei ngai mi, Burma ram ah a rak um bal mi zong an um caah siaherhnak ngan ngai an kan ngei ti a lang. Kan chim mi hna cu kan miphun kan tawn cuahmah mi pawl a si a si i, kan hal mi hna anmah lei bawmh ding belte cu chim ding ah a tuan tuk rih.(K3C= Kachin, Karen, Karenni, Chin). Credit: Daniel Sakhong.
Thawngpang dang. Tuluk le Kawlram karlak Tlanglong lam an tuahmi cu tlamtling tein an lim cang pin ah Tlanglong zong a suai cang tiah thanhnak an tuah. Hi konghe pehtlaiin Tuluk Tanzung nih thanhnak an tuah mi cu Tuluk le Kawlram Tlanglo a service cang. Tlanglong lamthar tuahmi hi Tuluk nih Kawlram ah rianrang tein thilri a phurhluh caah tuah mi a si.
Tutan ah an tuahmi Tlanglong lamthar tuahmi hi a hlan nak in thilri a phurh tikah ni 20 tluk in aphan tuan tiah Tuluk nih an chim. Tlanglong lamthar an tuahmi hi Shan ramkulh Chinshwe Haung khuapi ah chikkhat aa din lai i, Chinshwe Haung in Mandalay ah a kal lai. Mandalay in cun motor ngan in thilri a kuatnak hmun ah an phurh lai tiah an chimchap.
Mah tlanglong lam Tuluk le Kawlram a suaimi hi tuan deuh cozah chan ah hnatlaknak rak tuah cangmi a si. Asinain Covid zawtnak ruangah duhning bantukin rian an ttuan kho lo. Atu ahcun tlamtling tein lim a si cang i, Tlanglong zong a service cang tiah an thanh.
Tlanglo cu Tuluk ram Yuna ramthen in May ni 23 ah khan a rak i thawh i ni 15 a rauh hnu ah Mandalay a phan lai tiah an chim chap. Tutan ah hin Seh thilri le motor thilri tibantuk cycle thilri tibantuk a phurh hna tiah Tuluk lei an langhter chih. Biachap. Tulio dothlennak tuahcuahmah lio ah hibantuk thil a vun um hi cu i lawmh khawh a har ngaingai. Ramthat lio cu siseh law i lawmh ngai ding khi a si.
Leave a Reply