Tutan Dr. Hre Mang biachim cu uar a um kho taktak si. Adik hrimhrim a dik tuk. Khuazakip a ummi Chinmi hna caah thaazaang laknak tha taktak mi a si. Abik in tulio dothlennak tuahnak hrimhrim ah abiapi khunmi a si. Tutan ah Dr. Hre Mang nih a chimmi cu a tanglei bantuk in a langhter.
Chin mi cu Pathian thimmi miphun kan si. Politics le Business, cun Social- Community le Biaknak zongah Pathian duh lo ning in nan cawlcangh a si ahcun sau an deih hna lai lo. Nan dih colh lai. Zeipaoh ah Pathian bia, Pathian aw ngai in taangdor tein cawlcang usih tiah a chim.
Thawngpang dang relh chih. June ni 27 kahdohnak ah ralhrang kawlralkap minung 73 an thi. Mipi ralkap lei in minung pakhat nih ram le miphun caah a nunnak a pek. Hihi langhtermi hi rampi huap in kahdohnak ah a cangmi a si. Nizan i kahdohnak hmun le hma a caan hna cu a tanglei bantuk in an langhter.
Paku ramthen Kyauh Kyi kahdohnak ah ralhrang kawlralkap minung 20 an thi i, Shan ramkulh Kuatkhaing kahdohnak ah ralhrang minung 3 an thi. Cun Sagaing ramthen Min Bu le Monywa kahdohnak ah ralhrang kawlralkap minung paruk an thi. Culawng siloin Mon ramkulh Ye peng kahdohnak ah ralhrang panga an thi.
Sagaing ramthen Chaung Oo le Min Mu kahdohnak ah ralhrang kawlralkap minung 11 an thi i, Tanintary ramthen Pu Law kahdohnak ah ralhrang minung paruk an thi. Cun Sagaing ramthen BanMaoh kahdohnak ah ralhrang minung 17 an thi. Kayin ramkul Okarin sakhan kahdohnak ah ralhrang a thimi zat theih asi lo. Mipi ralkap lei in minung pakhat nih ram le miphun caah a nunnak a pek.
Leave a Reply