DR. THLAAWR BAWIHRIN CU REV. THAWNGLING MUALHLUN NIH UPAT NAK A PEK

UPATNAK HI A CAAN LIO TE PEK AH A THABIK! Kakawi Sanga pa (Rev Dr Thlaawr Bawihrin), Upatnak kan pek! CBCUSA tuanbia chung ah position kip in siseh, kan hnu kum 4 chung GS dirhmun in siseh na kan hruainak ah rian tamtuk na kan lim pi ko. Pathian le miphun caah na si khawh tawk in na tuan ko.

Tlik zuamnak ah na tthawnnak dihlak chuah in na tli ko cang. Na cung ah Bawipa aa lawm ve ko lai. Na Miphun le CBCUSA zong kan i lawm ko. Kei na kawipa zong na cung ah kaa lawm ve i upatnak zong kaan pek. A taangmi na nun zong Amah sunparnak caah si dih ko seh. Cutik ah kan Bawipa nih hitin an ti ve te lai;

Salṭha, sal zumhawktlak, tangka tlawmte lehthalnak ah zumhawktlak na si, cucaah tangka tampi tawngthamtu ah kan chiah lai. Ra lut law ka lunglawmhnak hi i hrawm ve,’ tiin. (Matt 25:23). Credit: Thawngling Mualhlun.

Thawngpang dang. Falam-Hakha Kar SAC Le Chin Ralkap Hna kahdohnak Ah CDF-Matupi Ralkap Pakhat A Nunnak Liam! Chin ramkulh, Falam peng Ramthlo le Dokṭhek Kar SAC Ralkap le Chin Ralkap kar kahdohnak ah CDF-Matupi Ralkap in Salai A Lawng, kum 21 a nunnak a liam, tiah thawng kan theih.

Nihin Kahdohnak ah SAC Ralkap lei in a thimi an tam nain fiang tein theih khawh a si rih lo. Chin Ralkap nih SAC Ralkap hriamnam cheukhat zong an laak khawh, tiah theih a si.Nihin Kahdohnak ah Falam SAC Camp nih Lamhlat kahnak hriamngan in an rak bawmh hna, tiah Tualchung mi hna nih an chim.

Falam- Hakha Kar SAC ralkap le Chin ralkap hna kahdohnak ah Chin ralkap lei in CNA, CNDF, CDF-Hakha, Thantlang, Matupi hna i bawm in SAC Ralkap an doh hna.June 27 in Falam khua in Hakha lei ah SAC Ralkap pawl an rak rat hnu in, SAC ralkap hna nih Ṭaal khua inn 29 le Tlangzar khua inn 6 an khangh cang. Credit: The Chin Post.