Mipi ralkap drone nih ralhrang kawlralkap minung pasarih a thah hna pin ah minung 18 hliam an tuar rih. Sagaing ramthen Minbu peng ah ralhrang kawlralkap hna cu mipi ralkap hna nih July ni 27 ah drone in bomb an thlak hnawh hna i, ralhrang kawlralkap minung pasarih an thih pin ah minung 18 hliam an tuar tiah Zero Guerrilla Force nih an thanh.
Nizan ah Minmu peng, Moe Mandalay khua ah ralhrang kawlralkap hna nih Helicopter in an kah hna i, tanglei in an kah rih hna. Ralhrang kawlralkap hna cu Kanpha khua lei an tolh lio ah mipi ralkap hna nih an rak kah hna tiah theih a si.Ralhrang kawlralkap tutan a phomhtu hna hi Zero Guerrilla Force le ZERO POWER Revolutionary Force hna an si.
Thawngpang dang. Good News. KIA nih ralhrang sakhan an kah, minung pahra renglo ralhrang an thah hna. Tuni ah Kachin ramkulh Wyanmaw peng, Wuyang ralhrang sakhan a ummi ralhrang kawlralkap le Lisu Pyi Thu Sit hna cu KIA nih an kah hna i, ralhrang pahra leng an thih pin ah minung tampi hliamhma he an zaam hna. Cun KIA nih hriamnam zong an lak rih.
Ralhrang kawlralkap le Lisu Pyithusit hna nih Wuyang khua ah sakhan an tuah, Cu hna cu KIA hna nih an kah hna i, kahdohnak hi suimilam pahnih chung hrawng a si. Atu ah ralhrang kawlralkap hna cu sakhan pawngkam ah an um hna tiah an chim. Ralhrang ruak pawl hna cu lampawng ah an i tlaar hna tiah an langhter chih.
Relchih Thawngpang dang. Rihkhawdawr camp nihnih chung an kah. Nihnih i kahnak ah CDF lei in a nunnak a liammi le hliamtuarmi an um lo. Hi konghe pehtlaiin CDF Hualngoram nih thanhnak an tuahmi cu, Rihkhawdawr camp ah a ummi ralhrang kawlralkap hna le kan ralkap hna cu nihnih chung an i kap. Ni 25 ah voikhat an i kap i ni 26 ah voikhat an i kap tthan.
Hi tukdohnak hi ralhrang hna nih sualnak ngeilo an thlai thah mi minung pali hna lehrulhchamnak caah tuah mi a si. Kan ralkap hna nih an kah hmasa mi hna an si. A nikhatnak i kahnak hi chunhnu suimilam pahnih le suimilam pathum karlak ah a si i, minute 40 hrawnghrang an i kap.
A nihnihnak zong chunhnu suimilam hleihnih le suimilam pakhat karlak ah a si i, minute 20 hrawng an i kap. Ralhrang umnak camp chungah kan ralkap hna nih bomb ngan in an kah mi a lut ngaingai. Cun meithal kuan zong tam ngai a lut rih. Asinain ralhrang a thimi le hliamtuar zat theih a si lo. Vuihnih i kahnak ah kan ralkap lei in nunnak a liammi le hliamtuar mi an um lo. Him tein an i timhmi an tuah khawh tiah an thanh.
Leave a Reply