Ralhrang mipi ralkap PDF nih cachimtu saya/mah te minung 37 an thah hna i, sianginn 504 an khangh hrawh tiah Uico ralhrang Zaw Min Tun nih a chim. Thanhnak a tuahmi cu Ralhrang hna nih Sianginn 504 an hrawh cang i, Cachimtu 37 an thah hna. Atu zong sianginn on a si hlan in thihpheihnak a chuak cuahmah. Ramchung siangin kip bomb an kamh rih.
Asinining taktak ahcun an mah Uico ralhrang hna nih sianginn siseh an pathian phungki sianginn le an umnak tiangin le khua tiang an khanghmi a si i, Sianghngakchia primary sianghngakchia tiangin an tlaih mi hna asi. Khuapi hmanh ah ralhrang hna nih bomb an kamh. Anmah sualnak vialte mipi ralkap cungah sual an tlunhter dih.
Uico Zaw Min Tun nih a peh rih mi cu cawnnak he pehtlaiin mipi vialte fimkhur tein um dingah zohter kan duhmi hna pakhat a um. He ka lei ahcun sianginn kai lo ding, khatlei ahcun sianginn an kaiter hna a ti i, cu ahcun zeithil dah aa phum timi kan zoh tikah kan hmuh khawh lai tiah video on in a chim.
Mah video cu anmah Uico ralhrang hna nih an tuahmi a si, Mah a chim duhnak le a zohtermi hna cu Free Online Educational Institution Myanmar le Islamic Organization Myanmar hna a chim duhnak a si tiah an chim. Atimi cu IOM a timi hi PDF pawl a sawh i asullam cu kan chim ti lai lo nanmah tein tuak ko, Cuticun cawnnak pek a si lai tiah a chim.
Cu ah aa telmi cu Koran, Hindu holh, Arabi holh hna an si, a dang cu nangmah tein zoh ko uh, Anmah pawl chimmi cawnnak an timi nih cun zeidah a sawh lai tiah a chim. Isalam cawnmi hna hi NUG cozah hna nih an cawnter dingmi hna asi tiah apuh hna.Cun mipi ralkap hna hi buainak a chuahtertu an si tiah a chim rih.
Leave a Reply