Chin ramkulh, Falam khua in SAC ralkap motor 22 le rianṭuannak motor 4 cu nihin July 7 zing sml 7:00 ah Hakha lei ah an kal, tiah kan theih. SAC ralkap motor run cu phu khat ah 5 in an kal. Motor run hna cu June 29 in Kalay in a rak kaimi an si.
Kalay-Falam lampi ummi Falam peng KhuaiHmual khua ah SAC ralkap cu phu khat an um i camp an ser tiah theih a si. Camp sernak ah KhuaiHmual khua mi cu, hramhram in vawlei an cawhter hna i, thing zong an thirter hna. Khua mi an Meheh, Ar le Vok cu man pek loin an duh paoh in an thah hna i an ei, tiah theih a si.
Relchih; Chin ramkulh, Tonzang peng ah SAC ralkap nih sianginn zatuak 80 an hun, tiah theih a si. Sianginn an hun khawh lonak hmun hna cu Sagaing ramṭhen Kalay le Tamu peng khuate hna an si. SAC ralkap nih an hunmi sianginn ah Khum Nuai Siangsangrun lawng an hung kho lo. Tonzang peng ah sianginn 98 a um i, cu chungah 71 lawng an hun khawh, tiah kan theih.
Yesagyo Ah SAC Ralkap Khah La Ya 258 Bomb Puah An Ton Caah Ralkap 4 An Thi Magway ramṭhen, Yesagyo peng ShinMaTaung(ရှင်မတောင်) tlang pawng le ah a kalmi SAC ralkap motor pakhat cu, July 6 zing sml 6:00 hrawng ah PDF nih bomb in an puahhnawh, tiah theih a si.
Thazaang 20 hrawng in a kalmi SAC ralkap motor cu Htantu (ထန်းတို) khua le ChinYaKung (ချင်းယားကုန်း) khua ah bomb lung 4 in kan puah i, SAC ralkap 4 an thi, 7 hliamhma an pu,” tiah Yesagyo PDF Bo Hmaing Tey Za nih a chim. 4 an thi, 7 hliamhma an pu. An motor cu khalh a ngah ti lo caah motor dang in an kal.
Bomb puah a tongmi SAC ralkap a thi mi hna cu ka dang ummi an hawile nih an ruak an char hna. SAC ralkap nih Hriamnagn 40mm 60 mm in an kah thluahmah tiah theih a si. SAC ralkap cu Yesagyo peng ah umhmun khuarmi ke ralkap Battalion 258 an si i, ShinMaTaung tlang pawng um khuate ah thazaang tam tuk in an lut i, cheknak le tlaihkhihnak an tuah, tiah Bo Hmaing Tey Za nih a chim.
Cu kahdohnak ah Yesagyo PDF၊ N-YSO, K.N.T Guerrilla, Myaing Rural Guerilla Force၊ Steel Hawk le PDF -Myaing Township hna i bawm in an kah hna. PDF lei in a thi mi le aa hliammi an um lo, tiah theih a si. July 2 zing sml 10:00 hrawng ah SAC ralkap nih Yesagyo peng Biba khua cu mei in an khangh i an kir lei ah Yesagyo PDF le ṭangṭi phu 3 nih an rak kah hna caah SAC ralkap 5 an rak thi. Crd. The Chin Post.
Leave a Reply