FALAM PENG KAHDOHNAK AH SALAI A LAWNG A NUNNAK LIAM: Lai ramkulh, Falam peng Ramthlo khua le Dokțhek khua kar ah ralhrang le Lai mizapi ralkap kahdohnak ah CDF Matupi in Salai A Lawng (kum 21) nih miphun le ram caah a nunnak a pek tiah kan theih.
Nihin kahdohnak ah ralhrang lei thi zat fianghlang in theih asilo nain ralhrang hriamnam tam ngai Lai ralkap nih an lak timi bal cu theih a si.Falam-Hakha lamcung kahdohnak ah CNA, CNDF, CDF Hakha, CDF Thantlang, CDF Matupi an țangrual tiah theih a si. Credit: The Lairam Times.
Ngaihchiatpinak. Kan Khrihfabu chung in TABC sang ummi, Pi Hoi Kil (Phun Ceu nu) kum – 97 nih 2022 Chiapa 11 zanah Lawngtlai siizungah mual a kan liamtak ee. Thau ah tlunpi dingin timhtuah a si.Amah hi mitha, mi hmurka panh le Pathian ai bochantuk mi a si.
Hmunkip kakip ah a ummi a tufale vialte hna, TBC chungtel dihlak nih kan in ngaihchiatpi hna. Bawipa Thlarau nih in hnem hna seh.Hi vawlei ahhin kannih caah zungzal hmun ding khua a um lo, a ra laimi khua tu kha kan cuan. Hebru 13:14. Credit: Thantlang Baptist Church.
Thawngpang dang. Thawngpang tthatuk a chuak. Falam le Hakha karlak kahdohnak ah ralhrang kawlralkap motor pali cu Chin ralkap pasalttha hna nih an lak cang tiah theih a si.Hi konghe pehtlaiin Salai William HC nih a langhtermi cu Ralhrang motor 4 kan ralkap nih an lak piak cang hna. Hakha tiang ahcun ceilak an lak rih ka zumh ko. Nan thlacamnak a lakka silo hih tiah a langhter.
Atu hi Ramthlo le Dothek khua kar lak ah Chin ralkap le ralhrang kawlralkap an i kah cuahmah lio a si. Ramthlo khuachung ah motor hnulei kee kal pawl le Chin ralkap an i kah lio a si rih fawn. Atu hi hmun hnih ah an i kah cuahmah lio a si. Falam lei in ralhrang kawlralkap hna nih tuni lawngah miakpi in Ramthlo lei ah voi ruk renglo an kah cang tiah a langhter.
Falam-Hakha karlak kahdohnak ah SAC ralkap a thimi an tam, SAC ralkap nih mipi inn 35 leng a khangh chap. Chin rankulh, Fam in Hakha lei ah a rak kaimi thazang 200 hrawng SAC ralkap pawl cu CNDF phufonh nih an kah hna caah SAC ralkap a thimi an tam tiah Chin National Organization (CNO/CNDF) nih a thanh.SAC ralkap pawl cu CNDF, CNA, CDF le CJDC phufonh nih lam thluangthluan an kah hna tiah theih a si.SAC ralkap cu an sungh tuk caah hriamngan an kan thlorh i Tlangrawn khua biakinn le nurse a ṭuanmi nu umnak inn pakhat hriamngan nih a khen i a rawk tiah theih a si.
Cun SAC ralkap pawl nih July 9 ah Falam peng Taal khua mipi inn 29, July 10 ah Tlangzaar khua mipi inn 6 nak tlawm lo an khangh tiah a thanh.Inndawng 36 khuasa an sinak Taal khua cu SAC ralkap nih an khangh lengmang ruangah inn 5 lawng a tang cang i a tangmi inn 5 zong cu an bauh dih tiah a langhter.Falam-Hakha karlak July 8 kahdohnak ah SAC ralkap 20 leng an thi tiah theih a si.
Leave a Reply