FALAM LE HAKHA KARLAK KHUAMI DIRHMUN CU A POI KO

Hakha peng kakdohnak ruangah khuami 4,000 leng an zaam. Chin ramkulh, Hakha peng, Chuncung le Dokthek khua karlak ah SAC ralkap le CNA/CDF hna May 3 in May 5 tiang a cangmi kahdohnak ruangah mawtaw lam cungah a ummi Chunchung, Dokthek, Ramthlo, Tlangzaar le Taal khuami 4,000 leng in le lo kaltak in himnak hmun ah an zaam tiah theih a si.

SAC ralkap pawl an rat bak in kan zaam cang, khua pawngah kahdohnak a can tikah kan tih tuk i ram tangah kan zaam. Khua kan zaamtak hnu tlawmpal ah kan inn pawl an khangh colh, ramtang in hmuh khawh a si” tiah khuami pakhat nih RFA ah a chim.SAC ralkap pawl nih an khangh ruangah Ramthlo khua May 4 ah inn 10, May 5 Tlangzaar khua ah inn 16 tiah a zapi te inn 26 a kaang tiah a chim.

Tulio caan hi Chinram ah ruah a sur tawn i ruah khamnak tel loin ramtang ah a zaammi hna caah harnak an tong tiah a khuami hna nih an chim.SAC ralkap nih thongtla 15 phor in mawtaw 27 le tanks 2 he Hakha khua in Kalay lei an kal lioah CNA, CDF phufonh nih an rak kah hna.Kahdohnak chungah SAC ralkap 18 an thi i, mipi hriamtlai minung 10 an nunnak a liam tiah theih a si.

Chin Affairs Federation cazin ning ahcun, SAC ralkap nih hramhram im uknak a lak hnu thok in Chin ramkulh ah a cangmi kahdohnak pawl ruangah khua 313 in khuami 100,000 leng nih inn le lo an zaamtak tiah theih a si.Cu chungah, 60,000 hi ram chungah an zaam i a taangmi 40,000 hi Mizoranm ah an zaam tiah theih a si. Credit: The Chinland Post.

Relchih a duhmi caah cabia dang. Thla 3 a luan cangmi February i ka rak chimmi bia kha tuni ah cheukhat nih a thar tiah an ruah than sual i thih ngamh in an phunzai lenmi ka hmuh. Tampi cu February thla an rak zoh lio ah ceilak an rak phunzai bal cang kha an philh cang i tuni kha voi 2nak an zai nolh than.

Pakhat nu lebang cu mah bia ka rak chim hnu khan unfriend aka tuah, nain nai bak kha aka add than. Nain, tuni kha video a zoh i a thar ah a ruah tikah aka unfriend than hoi. Hlen kan fawi ning, kan lo cikcek ko. Mah ti ning hin cun mah le nupi min hmanh a philhmi kan tam pah ko lai dah. Credit. Salai Lungthlitum